اباي • 18 اقپان، 2020

ونەر اكادەمياسى اباي مەرەيتويىن اتاپ ءوتتى

141 رەتكورسەتىلدى

​بيىل ەلىمىز ءۇشىن، ونىڭ ىشىندە مادەنيەت پەن ونەر سالاسىنىڭ وكىلدەرى ءۇشىن ماڭىزدى جىل.

ويتكەنى، ۇلى كەمەڭگەر اباي قۇنانباي ۇلىنىڭ 175 جىلدىعىن، ءال فارابيدىڭ 1150 جىلدىعىن جانە التىن وردانىڭ 750 جىلدىعىن جوعارى دەڭگەيدە اتاپ ءوتۋ مەجەسى تۇر.

وسىعان وراي، ت.ق.جۇرگەنوۆ اتىنداعى قازاق ۇلتتىق ونەر اكادەمياسى ۇلى اقىن، كومپوزيتور، فيلوسوف، اعارتۋشى اباي قۇنانباي ۇلىنىڭ 175 جىلدىق مەرەيتويىنا ارنالعان ادەبي-سازدى كەش وتكىزدى. «مەن ءبىر جۇمباق اداممىن ونى دا ويلا...» اتتى رۋحاني كەش تولىعىمەن اباي ءومىرى مەن شىعارماشىلىعىنا ارنالعان. وندا كەمەڭگەردىڭ وسىعان دەيىن كوپ ايتىلماعان اندەرى تىڭدارمانعا ۇسىنىلدى. شىعارمالارى دارىپتەلىپ، كومپوزيتسيالار ورىندالدى.

1

ساحنالىق كورىنىستەر قويىلىپ، ۇلى ويشىلدىڭ وسيەتتەرى ايتىلدى. ساكەن مايعازيەۆ، تولقىن زابيروۆا، رامازان ستامعازيەۆ، نۇرجان جانپەيىسوۆ، ايگۇل قوسانوۆا، ەرلان ءبىلال سىندى وقۋ ورداسىنىڭ ۇستازدارى مەن مەن ستۋدەنتتەرى ءوز ونەرىپ ورتاعا سالدى.

ء«بىز تەك ونەر ادامى ەمەپىز، ەلىمىزدىڭ بولاشاعى – جاستاردى ونەر مەن بىلىمگە قاتار باۋلىپ جۇرگەن بۋىنبىز.سول سەبەپتى، اباي ءومىرى مەن شىعارماشىلىعى ءاربىر تالاپتى جاستىڭ، جاناشىر ۇلكەننىڭ اينىماس سەرىگىنە اينالۋى كەرەك. بۇل كەشتىڭ وسى، ورتاق مۇددەنى ورىنداۋدا، كەمەڭگەر مۇراسىنا تەرەڭ ءۇڭىلىپ، بولاشاق ۇرپاققا ۇلگى-ونەگە بەرۋ جولىندا ماڭىزى زور»، - دەگەن ت.ق. جۇرگەنوۆ اتىنداعى قازاق ۇلتتىق ونەر اكادەمياسىنىڭ رەكتورى اقان ابدۋاليەۆ بۇدان كەيىن دە اعارتۋشىنىڭ مەرەيتويىنا ارنالعان ءىس-شارالار جالعاسا بەرەتىنىن ايتتى.

ايتا كەتەيىك، 17 اقپاندا وتكەن مەرەيتويلىق كونتسەرتكە مىڭعا جۋىق كورەرمەن جينالدى.

سوڭعى جاڭالىقتار

iPhone 12 Pro رەندەرى شىقتى

تەحنولوگيا • كەشە

ۇقساس جاڭالىقتار