ايماقتار • 17 اقپان، 2020

جامبىل وڭىرىندە ازىق-ت ۇلىك باعاسى باقىلاۋدا

55 رەتكورسەتىلدى

قاراپايىم تۇرعىندار ءۇشىن ازىق-ت ۇلىك باعاسىنىڭ تۇراقتىلىعى اسا ماڭىزدى. راسىندا دا، قالا ىشىندەگى قاپتاعان ساۋدا نۇكتەلەرىندە، بازارلاردا كوپ رەتتە باعانىڭ تۇراقتى بولمايتىنى جاسىرىن ەمەس. بۇل حالىق ءۇشىن ءتيىمسىز. الايدا جامبىل وبلىسىنىڭ اكىمى بەردىبەك ساپارباەۆ باستى تالاپ – الەۋمەتتىك ماڭىزعا يە ازىق-ت ۇلىك تاۋارلارى باعاسىنىڭ نەگىزسىز وسۋىنە جول بەرمەۋ كەرەكتىگىن ەسكەرتتى.

بەردىبەك  ساپارباەۆ تاراز قالاسىنداعى بازارلاردىڭ جاي-كۇيىمەن تانىسىپ، بىرقاتار ازىق-ت ۇلىك ساۋدا ورىندارى مەن قالانىڭ الەۋمەتتىك نىساندارىن ارالادى. اكىم اۋەلى «اۋىل بەرەكە» بازارىندا بولىپ، حالىق ءجيى تۇتىناتىن ازىق-ت ۇلىك تۇرلەرىنىڭ ساپاسىمەن جانە باعاسىمەن تانىستى. ساتۋشىلار مەن ساتىپ الۋشىلارمەن سويلەستى. قاراپايىم حالىقتىڭ پىكىرىن تىڭدادى. بۇل رەتتە بەردىبەك ساپارباەۆ تاراز قالاسىنىڭ اكىمى ايتقازى قارابالاەۆقا تاياۋ ارادا شەشىمى تابىلۋى كەرەك بىرقاتار ماسەلەلەر تۋرالى ايتتى. ونىڭ ىشىندە ساۋدا ورىندارىنىڭ دۇرىس ورنالاسپاۋى، ءورت قاۋىپسىزدىگى ەرەجەلەرىنىڭ ساقتالماۋى، اسفالتتانعان اۆتوتۇراقتاردىڭ بولماۋى، بازار اۋماعىنداعى كولىكتەردىڭ ءجونسىز قوزعالىسى، بازار سورەسىندە جەرگىلىكتى تاۋار وندىرۋشىلەردىڭ ونىمدەرىن كوبەيتۋ سىندى ماسەلەلەر دە بار.

«بازار اۋماعى مەن ساۋدا قاتارلارى جوعارى ەستەتيكالىق تالعامعا ساي كەلۋى كەرەك. كۇن سايىن مۇندا ءبىزدىڭ قالانىڭ مىڭداعان تۇرعىنى كەلەدى. سوندىقتان بازاردا ءورت قاۋىپسىزدىگى ەرەجەلەرىنىڭ ساقتالعانى ءجون. سونداي-اق ساتىپ الۋشىلار مەن ساتۋشىلارعا دا وڭتايلى جاعداي جاساۋعا باسا نازار اۋدارۋ ماڭىزدى»، دەدى بەردىبەك ساپارباەۆ. اكىم تاۋار باعاسى تۇراقتىلىعىنا باسا نازار اۋدارىپ، كۇندەلىكتى تۇتىناتىن تۇرمىستىق زاتتاردىڭ قىمباتتاماۋىن قاداعالاۋدى تاپسىردى. قالاداعى الەۋمەتتىك بازاردى ارالاۋ كەزىندە ومارتاشىلار بال ونىمدەرىن وتكىزۋ ماسەلەسىن دە كوتەردى. بەردىبەك ساپارباەۆ جەرگىلىكتى اۋىل شارۋاشىلىعى تاۋارىن وڭدەۋشىلەرگە قولداۋ كورسەتىپ، جوعارىداعى ماسەلەنىڭ ءوز دەڭگەيىندە شەشىلۋىنە ىقپال ەتۋگە ۋادە بەردى. سونىمەن قاتار اكىم «Small» ساۋدا ورتالىعىندا دا بولىپ، ازىق-ت ۇلىك تاۋارلارىنىڭ تۇرلەرى مەن باعالارىن سالىستىرىپ كوردى.

ساۋدا ورىندارىمەن قاتار، بەردىبەك ساپارباەۆ وليمپيادا رەزەرۆتەرىن دايارلاۋ ورتالىعىندا ، بازارداعى ۆەتەريناريالىق زەرتحانادا جانە قاراتاي تۇرىسوۆ اتىنداعى №53 مەكتەپ-گيمنازياسىندا بولىپ، مۇنداعى بىرقاتار ماسەلەلەرگە دە نازار اۋداردى.

 

جامبىل وبلىسى

سوڭعى جاڭالىقتار

ۇقساس جاڭالىقتار