مينيسترلىكتىڭ حابارلاۋىنشا,ء بىرجان نۇرىمبەتوۆ ءوز سوزىندە ۇكىمەت پەن ەڭبەكمينى ۇلتتىق بىلىكتىلىك جۇيەسىن قالىپتاستىرۋ بويىنشا اۋقىمدى جۇمىستار جۇرگىزگەنىن اتاپ وتكەن. ونىڭ نەگىزگى ەلەمەنتتەرى قازىردىڭ وزىندە قالىپتاستىرىلعان, سونداي-اق دۇنيەجۇزىلىك بانكتىڭ قارجىلاي قولداۋىمەن 2019 جىلى 2784 ماماندىق بويىنشا 480 كاسىپتىك ستاندارت بەكىتىلگەن. سونىمەن قاتار كاسىپتىك ستاندارتتار نەگىزىندە ءبىلىم بەرۋ باعدارلامالارى جاڭارتىلاتىن بولادى.
الەۋمەتتىك جانە ەڭبەك سالاسىن, ونىڭ ىشىندە ۇلتتىق بىلىكتىلىك جۇيەسىن ودان ءارى دامىتۋ بويىنشا ۇسىنىستار مەن ۇسىنىمداردى ازىرلەۋ ءۇشىن ۇلتتىق كەڭەس قۇرىلدى.
كادرلارعا قاجەتتىلىكتى بولجاۋ جۇرگىزىلەدى. بولجام جىل سايىن قىسقا مەرزىمدى كەزەڭگە (1 جىل), ورتا مەرزىمدى كەزەڭگە (5 جىل), ۇزاق مەرزىمدى كەزەڭگە (2050 جىلعا دەيىن) قالىپتاستىرىلادى.
بولجامداۋ ناتيجەلەرى مامانداردى دايارلاۋ ءۇشىن (تجكب, سونداي-اق جوعارى جانە جوعارى وقۋ ورنىنان كەيىنگى ءبىلىمى بار) مەملەكەتتىك تاپسىرىستى قالىپتاستىرۋ كەزىندە قىسقا مەرزىمدى وقىتۋدى ۇيىمداستىرۋدا پايدالانىلادى.
«2020 جىلى جاڭا سەرتيفيكاتتاۋ جانە قىزمەتكەرلەردىڭ بىلىكتىلىگىن تانۋ جۇيەسىن پيلوتتىق سىناقتان وتكىزۋ جوسپارلانعان. ەل پرەزيدەنتىنىڭ سايلاۋ الدىنداعى باعدارلاماسىنىڭ مىندەتتەرىن ىسكە اسىرۋ ءۇشىن ەڭبەك نارىعىندا سۇرانىسقا يە جاڭا كاسىپتەر مەن قۇزىرەتتىلىكتەردىڭ اتلاسى ازىرلەنەتىن بولادى. اتلاس 9 باسىم سالا بويىنشا جاڭا, وزگەرمەلى جانە تالاپ ەتىلمەيتىن كاسىپتەردى بىرىكتىرەدى», – دەدى ءبىرجان نۇرىمبەتوۆ.
مۇناي-گاز سالاسى, اۋىل شارۋاشىلىعى, كولىك جانە لوگيستيكا, ماشينا جاساۋ, اقپاراتتىق-كوممۋنيكاتسيالىق تەحنولوگيالار, ەنەرگەتيكا, تۋريزم, قۇرىلىس, تاۋ-كەن مەتاللۋرگياسى باسىم سالالارعا جاتادى.
