پرەزيدەنت • 15 اقپان، 2020

مەملەكەت باسشىسى كۋۆەيتتىڭ پرەمەر-مينيسترىمەن كەزدەستى

60 رەتكورسەتىلدى

قاسىم-جومارت توقاەۆتىڭ ميۋنحەندەگى جۇمىس ساپارىنىڭ ەكىنشى كۇنى كۋۆەيتتىڭ پرەمەر-ءمينيسترى شەيح ساباح حاليد ءال-حاماد اس-ساباحپەن كەزدەسۋدەن باستالدى. بۇل تۋرالى اقوردا حابارلادى.

مەملەكەت باسشىسى ەكى ەلدىڭ مەملەكەتارالىق بايلانىستارىنىڭ دوستىق سيپاتىن جانە ونىڭ قارقىندى دامىپ كەلە جاتقانىن اتاپ ءوتىپ، ەكىجاقتى جانە كوپجاقتى فورماتتاعى ءوزارا ىنتىماقتاستىقتى نىعايتۋ ءۇشىن الەۋەتتىڭ جەتكىلىكتى ەكەنىنە نازار اۋداردى.

– ءبىز يسلام ىنتىماقتاستىعى ۇيىمى اياسىندا سەنىمدى سەرىكتەسپىز. قازاقستاننىڭ استاناسى نۇر-سۇلتان قالاسىندا يسلام ۇيىمىنىڭ ازىق-ت ۇلىك قاۋىپسىزدىگى جونىندەگى شتاب-پاتەرى اشىلدى. بۇل دا ءبىزدىڭ ءوزارا ىقپالداستىعىمىزعا تىڭ سەرپىن بەرەدى، – دەدى مەملەكەت باسشىسى.   

قاسىم-جومارت توقاەۆ 2019 جىلعى قاڭتاردا «جۋسان» گۋمانيتارلىق وپەراتسياسىن جۇزەگە اسىرۋ كەزىندە اسكەري-اۋە بازاسىن پايدالانۋ ماسەلەسىن شەشۋگە كومەكتەسكەنى ءۇشىن كۋۆەيت ۇكىمەتىنە ريزاشىلىق ءبىلدىردى. 

سونىمەن قاتار قازاقستان پرەزيدەنتى ەكى ەلدىڭ ەكونوميكالىق ىقپالداستىعىنىڭ، سونىڭ ىشىندە قۇرىلىس، ەنەرگەتيكا، اۋىل شارۋاشىلىعى، قارجى، ينۆەستيتسيا جانە تۋريزم سالالارىنىڭ الەۋەتى زور ەكەنىن اتاپ ءوتتى.

كۋۆەيتتىڭ پرەمەر-ءمينيسترى قازاقستانمەن بايلانىستاردى نىعايتۋدىڭ پەرسپەكتيۆالارىنا جوعارى باعا بەردى.

– ەلدەرىمىز اراسىنداعى ساۋدا-ەكونوميكالىق، ينۆەستيتسيالىق، مادەني-گۋمانيتارلىق، تۋريستىك باعىتتاردا ىنتىماقتاستىق ورناتۋ ءۇشىن ۇلكەن الەۋەت بار، – دەدى كۋۆەيت ۇكىمەتىنىڭ باسشىسى.

شەيح ساباح حاليد ءال-حاماد اس-ساباح ەكى ەل اراسىنداعى ساۋدا-ەكونوميكالىق ىنتىماقتاستىق جونىندەگى ۇكىمەتارالىق كوميسسيانىڭ الدىندا ماڭىزدى مىندەتتەر تۇرعانىن اتاپ ءوتتى. ول كوميسسيانىڭ الداعى ۋاقىتتا وتەتىن 4-وتىرىسىندا قازاقستان-كۋۆەيت قاتىناستارىن جاڭا دەڭگەيگە شىعارۋعا مۇمكىندىك بەرەتىن جاڭا ادىستەر ازىرلەنەتىنىنە سەنىم ءبىلدىردى.

كەزدەسۋ سوڭىندا قاسىم-جومارت توقاەۆ كۋۆەيتتىڭ پرەمەر-ءمينيسترىن قازاقستانعا ساپارمەن كەلۋگە شاقىردى. 

سوڭعى جاڭالىقتار

بەنزين باعاسى ارزاندادى

ەكونوميكا • كەشە

14 وتباسىعا قول ۇشىن سوزدى

قازاقستان • كەشە

ۇقساس جاڭالىقتار