ايماقتار • 15 اقپان، 2020

بيىل بقو-دا 1710 پاتەر بەرىلەدى

78 رەتكورسەتىلدى

باتىس قازاقستان وبلىسىندا 26 مىڭنان اسا ازامات تۇرعىن ءۇي كەزەگىندە تۇر. مۇنىڭ ىشىندە كوپبالالى 1700 وتباسى بار.

«حالىقتىڭ تۇرمىس جاعدايىن، تۇرعىن ءۇي جاعدايىن جاقسارتۋ – ءبىزدىڭ باسىم باعىتتاعى مىندەتىمىز» دەدى ءوڭىر باسشىسى عالي ەسقاليەۆ.

باتىس قازاقستان وبلىسىندا بىلتىر تۇرعىن ءۇي قۇرىلىسىنا 16 ملرد تەڭگە بولىنگەن. ءسويتىپ، كەزەكتە تۇرعاندار 595 كۆارتير پاتەرگە يە بولدى. سونىڭ ىشىندە 291 پاتەر – كوپبالالى وتباسىلارعا بەرىلدى. سونداي-اق 113 جانۇيا «باقىتتى وتباسى» باعدارلاماسى اياسىندا جاڭا باسپانالى بولعان.

- 2020 جىلى «نۇرلى جەر» باعدارلاماسى بويىنشا تۇرعىن ءۇي قۇرىلىسىنا 21 ملرد تەڭگە بولىنەدى. وڭىردە 1710 پاتەر كەزەگىندە تۇرعان باتىسقازاقستاندىقتارعا بەرىلەدى، - دەدى عالي ەسقاليەۆ.

بۇعان قوسا ورال قالاسىندا اپاتتى جاعدايدا تۇرعان، توزىعى جەتكەن كونە ۇيلەردىڭ ماسەلەسىن مەملەكەتتىك-جەكەشەلىك ارىپتەستىك ارقىلى، جەكە ينۆەستيتسيا ارقىلى شەشۋ جولعا قويىلعان. ءدال وسى جوبا بويىنشا قازىردىڭ وزىندە كوپقاباتتى 5 ءۇي سالىنىپ، تاعى 4 ءۇيدىڭ قۇرىلىسى ءجۇرىپ جاتىر. ءوڭىر باسشىسى «قاراشىعاناق پەتروليۋم وپەرەيتينگ ب.ۆ.» كومپانياسىنىڭ قارجىسىنا تاعى 2 ءۇي سالىناتىنىن حابارلادى.

ودان بولەك ورال قالاسىندا 50 مىڭ تۇرعىنعا ارنالعان جاڭا «اقجايىق» شاعىن اۋدانىنىڭ ينجەنەرلىك ينفراقۇرىلىمى سالىنىپ ءازىر تۇر.

باتىس قازاقستان

سوڭعى جاڭالىقتار

بەنزين باعاسى ارزاندادى

ەكونوميكا • كەشە

14 وتباسىعا قول ۇشىن سوزدى

قازاقستان • كەشە

ۇقساس جاڭالىقتار