جاڭا اۋەجايدىڭ جانە وعان اپاراتىن اۆتوموبيل جولىنىڭ سالىنۋ بارىسىمەن تانىستى. نىسان وبلىس ورتالىعىنان 16 شاقىرىم قاشىقتىقتا ورنالاسقان جانە بيىل قىركۇيەك ايىندا پايدالانۋعا بەرىلەدى. تەرمينالدىڭ وتكىزۋ قابىلەتى جىلىنا 3 ملن جولاۋشىنى قۇرايدى دەپ جوسپارلانۋدا.
جالپى تۇركىستان قالاسىنداعى قۇرىلىستار اكىمشىلىك-ىسكەرلىك جانە رۋحاني-مادەني ورتالىق بولىپ ەكى ايماققا بولىنگەن. ول ايماقتاردا قازىرگى تاڭدا 15 مادەني-الەۋمەتتىك نىسان سالىنىپ جاتىر. بۇل قۇرىلىستاردى بيىل تولىق اياقتاۋ جوسپارلانعان. قۇرىلىسى ءجۇرىپ جاتقان اكىمشىلىك-ىسكەرلىك ورتالىقتا جابىق باسسەينى بار سپورت كەشەنى, 7000 ورىندىق ستاديون, وقۋشىلار سارايى, دەپارتامەنتتەر, باسقارمالار ءۇيى, كونگرەسس حولل, تسيفرلىق كەڭسە, اتتراكتسيوندار ساياباعى سىندى 8 نىسان بار. ال رۋحاني-مادەني ورتالىقتا ياسساۋي مۇراجايىنىڭ, « ۇلى دالا» ورتالىعى, قولونەر شەبەرلەرى ورتالىعىن قايتا جاڭعىرتۋ, عىلىمي-امبەباپ كىتاپحانا, دراما تەاترى, تۇڭعىش پرەزيدەنتى ساياباعى, ارباتتىڭ, ياعني 7 نىساننىڭ قۇرىلىسى جۇرگىزلۋدە. بۇدان وزگە, «كەرۋەن-سارايدىڭ» قۇرىلىسى باستالعان.
سونىمەن قاتار تۇركىستان قالاسىندا جەكە ينۆەستيتسيالار ەسەبىنەن تۋريستەرگە لايىقتى سەرۆيستىك قىزمەت كورسەتەتىن «Rixos», «نۇر-الەم», «Hampton by hilton» اتتى قوناقۇي كەشەندەرى بوي كوتەرۋدە. بۇل نىسانداردىڭ قۇرىلىسىن اعىمداعى جىلى اياقتاۋ جوسپارلانىپ وتىر.
ق.ا.ياسساۋي كەسەنەسىنىڭ بۋفەرلىك اۋماعىنداعى اباتتاندىرۋ جۇمىستارى دا اياقتالۋى ءتيىس.
ۇكىمەت باسشىسى جوعارىدا اتالعان قۇرىلىس الاڭدارىن ارالاپ, ۇلى جىبەك جولى ۇلتتىق قولونەرشىلەر ورتالىعى مەن كەلۋ ورتالىعى عيماراتتارىنىڭ قايتا جوندەلۋ بارىسىن تەكسەردى. ارقايسىسى 120 بولمەدەن بولاتىن «Rixos Turkestan» جانە «Hampton by Hilton» قوناقۇيلەرىنىڭ, سونداي-اق, «Sembol construction» تۇرىك كومپانياسى سالىپ جاتقان, ينۆەستيتسيا كولەمى 80 ملرد تەڭگە بولاتىن «كەرۋەن-ساراي» كوپفۋنكتسيونالدى تۋريستىك كەشەنىنىڭ قۇرىلىسىمەن تانىستى.
بيىل كۇزدە تۇركىستاندا تۇركى تىلدەس مەملەكەتتەردىڭ ىنتىماقتاستىعى كەڭەسىنىڭ ءسامميتىن وتكىزۋ جوسپارلانعان.
«تۇڭعىش پرەزيدەنت – ەلباسى نۇرسۇلتان ءابىش ۇلى نازارباەۆ جانە مەملەكەت باسشىسى قاسىم-جومارت كەمەل ۇلى توقاەۆ تۇركىستان قالاسىنىڭ دامۋىنا ەرەكشە كوڭىل بولەدى. وسىعان وراي بارلىق قاجەتتى نىسانداردىڭ قۇرىلىسىنىڭ ۋاقىتىلى ءارى ساپالى اياقتالۋىن قامتاماسىز ەتۋ قاجەت», — دەدى پرەمەر-مينيستر ا. مامين.
ماڭىزدى ءىس-شاراعا دايىندىق وبلىس ورتالىعىندا باستالىپ تا كەتكەن. مىسالى, تەمىرجول ۆوكزالى الدىنداعى اللەيا اباتتاندىرىلۋدا. اياقجول توسەۋ, جارىق كوزدەرىن جانە ورىندىقتار مەن قوقىس جاشىگىن ورناتۋ, كىشى ارحيتەكتۋرالىق پىشىندەر قويۋ جوسپارلانۋدا. سونىمەن قاتار سۋ ۇڭعىماسى قازىلىپ, دەكوراتيۆتى اعاش كوشەتتەرى وتىرعىزىلادى, شىم توسەلەتىن بولادى. الداعى ۋاقىتتا تەمىرجول ۆوكزالىنىڭ ىشكى جۇيەسى دە زاماناۋي تالاپقا سايكەستەندىرىلمەك. قالاعا كەلگەن تۋريستەر ءۇشىن اقپارات الۋ بەكەتى (رەسەپشن) سىندى جۇيەلەردى قويۋ كوزدەلگەن. كۇردەلى جوندەۋدەن وتكەن اللەيا ناۋرىز مەرەكەسى قارساڭىندا پايدالانۋعا بەرىلەدى دەپ جوسپارلانىپ وتىر.
