2013 جىلعى 15 ناۋرىز, استانا, ۇكىمەت ءۇيى
«قازاقستان رەسپۋبليكاسىنىڭ جانۋارلار دۇنيەسىن مەملەكەتتىك قورعاۋ تۋرالى ەرەجەسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2004 جىلعى 31 جەلتوقسانداعى №1457 قاۋلىسىنا وزگەرىستەر ەنگىزۋ تۋرالى
قازاقستان رەسپۋبليكاسىنىڭ ۇكىمەتى قاۋلى ەتەدى:
1. "قازاقستان رەسپۋبليكاسىنىڭ جانۋارلار دۇنيەسىن مەملەكەتتىك قورعاۋ تۋرالى ەرەجەسىن بەكىتۋ تۋرالى" قازاقستان رەسپۋبليكاسى ۇكىمەتىنىڭ 2004 جىلعى 31 جەلتوقسانداعى №1457 قاۋلىسىنا (قازاقستان رەسپۋبليكاسىنىڭ ءپۇاج-ى, 2004 ج., №51, 680-قۇجات) مىناداي وزگەرىستەر ەنگىزىلسىن:
كورسەتىلگەن قاۋلىمەن بەكىتىلگەن قازاقستان رەسپۋبليكاسىنىڭ جانۋارلار دۇنيەسىن مەملەكەتتىك قورعاۋ تۋرالى ەرەجەدە:
1-تارماقتىڭ ەكىنشى بولىگى مىناداي رەداكتسيادا جازىلسىن:
"1. قازاقستان رەسپۋبليكاسىنىڭ جانۋارلار دۇنيەسىن مەملەكەتتىك قورعاۋ (بۇدان ءارى – جانۋارلار دۇنيەسىن مەملەكەتتىك قورعاۋ) جانۋارلار دۇنيەسىن قورعاۋ, ءوسىمىن مولايتۋ جانە پايدالانۋ سالاسىندا باسقارۋ, باقىلاۋ جانە قاداعالاۋ فۋنكتسيالارىن جۇزەگە اسىراتىن مەملەكەتتىك ورگاننىڭ (بۇدان ءارى – ۋاكىلەتتى ورگان) قۇرىلىمىندا ۇيىمداستىرىلادى.";
4-تارماقتىڭ ءبىرىنشى بولىگى مىناداي رەداكتسيادا جازىلسىن:
"4. جانۋارلار دۇنيەسىن مەملەكەتتىك قورعاۋ جانۋارلار دۇنيەسىن قورعاۋ, ءوسىمىن مولايتۋ جانە پايدالانۋ ماسەلەلەرىمەن اينالىساتىن جانۋارلار دۇنيەسىن قورعاۋ جونىندەگى مامانداندىرىلعان ۇيىمداردىڭ قىزمەتكەرلەرىنەن تۇرادى.";
13-تارماق مىناداي رەداكتسيادا جازىلسىن:
"13. جانۋارلار دۇنيەسىن مەملەكەتتىك قورعاۋدىڭ لاۋازىمدى تۇلعالارىنىڭ ايىرىم بەلگىلەرى بار نىساندى كيىم (پوگونسىز) كيىپ جۇرۋگە, ارنايى قۇرالدار مەن قىزمەتتىك قارۋدى الىپ جۇرۋگە, سونداي-اق قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن ولاردى ساقتاۋعا, الىپ جۇرۋگە جانە قولدانۋعا قۇقىعى بار.".
2. وسى قاۋلى العاشقى رەسمي جاريالانعان كۇنىنەن باستاپ كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ پرەمەر-ءمينيسترى س.احمەتوۆ.
