ءىس-شارانىڭ ءبىرىنشى سەسسياسىندا ءسوز سويلەگەن ە.اشىقباەۆ ينتەرنەتتەگى تەرروريستىك يدەولوگيانىڭ تارالۋىنا قارسى قازاقستاننىڭ كۇش-جىگەرى تۋرالى, سونداي-اق ەلىمىزدىڭ ەقىۇ شەڭبەرىندەگى تەرروريزمگە قارسى ارەكەتتەرگە قولداۋى تۋرالى ايتتى.
قازاقستان جۇزەگە اسىرعان «جۋسان» جانە «رۋسافا» گۋمانيتارلىق وپەراتسيالارعا الەم قاۋىمداستىعىنىڭ قىزىعۋشىلىعىن ەسكەرە وتىرىپ, ءمينيستردىڭ ورىنباسارى دايش وتباسى مۇشەلەرىن رەابيليتاتسيا مەن رەينتەگراتسيالاۋعا (Rehabilitation and reintegration of ISIS Family Members) ارنالعان سايد-يۆەنتىڭ نەگىزگى سپيكەرى رەتىندە ءسوز سويلەپ, ول ازاماتتاردى تەرروريستىك ارەكەت اۋماقتارىنان قايتارۋمەن, بالالاردى قۇجاتتاندىرۋدان باستاپ, ورالعاندارمەن جۇمىس ىستەۋدىڭ ەڭ جاقسى تاجىريبەلەرىن تارتۋعا بايلانىستى تۋىنداعان پروبلەمالار مەن قيىندىقتارعا توقتالىپ ءوتتى. ۇكىمەتتىك ەمەس سەكتوردى قايتا الەۋمەتتەندىرۋ سالاسىنداعى قىزمەتى ەرەكشە اتاپ ءوتىلدى.
كونفەرەنتسيا اياسىندا ە.اشىقباەۆ بۇۇ باس حاتشىسىنىڭ كومەكشىسى جانە بۇۇ تەرروريزمگە قارسى كوميتەتى اتقارۋشى ديرەكتوراتىنىڭ اتقارۋشى ديرەكتورى ميشەل كونينكسپەن كەزدەسىپ, سۇحبات بارىسىندا تەرروريزممەن كۇرەستەگى ىنتىماقتاستىقتىڭ ودان ءارى پراكتيكالىق قادامدارى, ونىڭ ىشىندە تاجىريبە جانە وزىق ماشىقتارمەن الماسۋ بويىنشا ناقتى جوبالار مەن ءىس-شارالار تالقىلادى.
