وبلىس اكىمدىگىندە وتكەن قوعامدىق كەڭەستە, سونداي-اق ءوڭىردىڭ الەۋمەتتىك-ەكونوميكالىق دامۋى بويىنشا اتقارىلعان جۇمىستار جانە الداعى جىلعا دامۋ جوسپارى مەن مىندەتتەر تالقىلاندى. قوعامدىق كەڭەس مۇشەلەرى, ەڭبەك ارداگەرلەرى, وبلىستىق ءماسليحات دەپۋتاتتارى مەن قوعامدىق-ساياسي پارتيالاردىڭ, ۇكىمەتتىك ەمەس ۇيىمداردىڭ جانە باق وكىلدەرى قاتىسقان جيىندا وبلىس اكىمى ومىرزاق شوكەەۆ جىل قورىتىندىسىمەن الەۋمەتتىك-ەكونوميكالىق كورسەتكىشتەر وڭ سيپاتقا يە بولعانىن اتاپ ءوتتى.
جالپى وڭىرلىك ءونىم كولەمى 1 ترلن 272,3 ملرد تەڭگە بولىپ, كورسەتكىش الدىڭعى جىلمەن سالىستىرعاندا 5,1% ءوسىمدى قۇراعان. ماڭىزدى جوبالاردى ىسكە اسىرۋ بويىنشا وبلىسقا 441,2 ملرد تەڭگە ينۆەستيتسيا تارتىلعان. مەملەكەتتىك جانە سالالىق باعدارلامالار شەڭبەرىندە 29 مىڭنان استام جاڭا جۇمىس ورىندارى اشىلعان.
ال ءوڭىردى الەۋمەتتىك-ەكونوميكالىق دامىتۋدىڭ 2024 جىلعا دەيىنگى كەشەندى جوسپارى اياسىندا تۇركىستان قالاسىندا 11 جوبانى مەملەكەتتىك-جەكەشەلىك ارىپتەستىك تەتىگى ارقىلى ىسكە اسىرۋ كوزدەلىپ وتىر.
جيىندا ءسوز العاندار ءوڭىردى تابيعي گازبەن قامتۋ, قارقىندى باۋ, قاراكول قويى مەن تۇيە شارۋاشىلىعىن دامىتۋعا قاتىستى ءوز وي-پىكىرلەرىن ورتاعا سالدى. وبلىس اكىمى وزىنە قويىلعان بىرنەشە ساۋالدارعا تۇشىمدى جاۋاپ بەرىپ, ۇسىنىستارعا قاتىستى كوزقاراسىن ءبىلدىردى. سونداي-اق قوعامدىق كەڭەس مۇشەلەرى ومىرزاق شوكەەۆتىڭ وبلىس كولەمىندە اتقارعان جۇمىستارىنا وڭ باعاسىن بەرىپ, يگى ىستەر بىرلىكتىڭ, تىنىمسىز ەڭبەكتىڭ ناتيجەسى ەكەنىن اتاپ ءوتتى. كەڭەس وتىرىسىنىڭ سوڭىندا ءتيىستى قارار قابىلداندى.
