ولار تەك پەداگوگيكا ەمەس, ءومىردىڭ بارلىق سالاسى بويىنشا وزەكتى ماسەلەلەر مەن جاڭالىقتاردى قامتيدى. 2019 جىلدىڭ ناۋرىز ايىندا ءبىلىم ورداسىندا بيزنەس – ينكۋباتور U – Smart يننوۆاتسيالىق بولىمشەسى اشىلعان بولاتىن. ول جوباسىن قولىنا العان ستۋدەنتتەرگە يدەيالىق باستاماسىنان باستاپ, ناتيجەسىن كورگەنگە دەيىن كومەك بەرەدى. بۇگىندە وندا 50 رەزيدەنت پەن 19 ءبىلىم باعدارلاماسى وكىلدەرى كاسىپكەرلىكتىڭ قىر-سىرىن ۇيرەنىپ ءجۇر. ءبىلىم ورداسى قابىرعاسىندا ءجۇرىپ-اق رەزيدەنتتەر وزدەرى جاساعان جوبالاردا اقپاراتتىق ءبىلىم سالاسىن, ينكليۋزيۆتىك كەڭىستىكتى دامىتۋدى, وڭدەۋ ونەركاسىبىن, مەديا, مادەنيەت جانە بيزنەستى قامتيدى. ەلىمىزدىڭ پەداگوگيكالىق جوعارى وقۋ ورىندارى اراسىندا مۇنداي ورتالىقتىڭ بالاماسى جوق.
از ۋاقىتتىڭ ىشىندە ۋنيۆەرسيتەتتەگى بيزنەس – ينكۋباتور U – Smart ورتالىعى ءوزىنىڭ جەتىستىگىمەن كاسىپكەرلىك قوعامداستىققا دا بەلگىلى بولا باستادى. ستۋدەنتتەر وزدەرىنىڭ قىزىقتى باستامالارىمەن قازاقستاننىڭ ونشاقتى قالاسىندا بولدى. الماتى قالاسىندا وتكەن حالىقارالىق GoViral فەستيۆالىندە رەزيدەنتتەر ايدانا ىدىرىسوۆا مەن سۇلتان قوجامبەرديەۆ اقش ديپلوماتيالىق ميسسياسىنان وڭىرلىك امباسسادورلار اتاندى. ال قازاقستان مادەنيەتى جونىندە اعىلشىن تىلىندە بالالارعا ساباق ۇيرەتۋگە ارناپ مۋلتفيلم جاساعان ستۋدەنت ديانا تەمىرحانوۆانىڭ «Wonder 7» جوباسى پاۆلودار قالاسىندا وتكەن قازاقستان رەكتورلار كەڭەسى اياسىنداعى شارادا قارجىلاندىرۋعا ۇسىنىلدى. ءبىلىم ورداسىندا مۇنداي مىسالدار جەتكىلىكتى.
U-Smart ورتالىعىنا كەلگەن ستۋدەنت ءوزىن جان-جاقتى سىنايدى, ءوزىن بيزنەس الەمىنە دايىندايدى, كوشباستاۋشى قابىلەتىن ۇشتاي تۇسەدى.
قوستاناي
