كوكشەتاۋ قالالىق سوتىنىڭ ۇكىمىمەن كوكشەتاۋ قالالىق اكىمدىگىنىڭ بۇرىنعى باس مامانى جەتى جىل مەرزىمگە باس بوستاندىعىنان ايىرىلدى.
ءىس ءمان-جايى مىناداي: سوتتالۋشى ءوزىنىڭ تانىستارىن استانا جانە كوكشەتاۋ قالالارىندا پاتەرلەر مەن جەر تەلىمدەرىن الىپ بەرەمىن دەپ الداعان. اتاپ ايتقاندا, 2012 جىلدىڭ جەلتوقسان ايىندا سوتتالۋشى ءوزىنىڭ ءبىر تانىسىنان جەر تەلىمىن اپەرەمىن دەپ 250 مىڭ تەڭگە العان. سول اقشانى بەرىپ جاتقان كەزىندە قارجى پوليتسياسىنىڭ قىزمەتكەرلەرى الاياقتى ۇستاپ العان.
سوت سوتتالۋشىنىڭ بۇرىن سوتتى بولماعاندىعىن, ءوزىنىڭ كىناسىن تولىق مويىنداعاندىعىن, ءجابىرلەنۋشىلەرگە كەلتىرىلگەن شىعىندى جارتىلاي قايتارعاندىعىن ەسكەردى.
سونداي-اق, سوت سوتتالۋشىدان جابىرلەنۋشىنىڭ پايداسىنا 2 000 000 (ەكى ميلليون) تەڭگە ماتەريالدىق شىعىن مەن 20 000 تەڭگە مەملەكەتتىك باج سالىعىن ءوندىرىپ بەردى, دەپ حابارلادى اقمولا وبلىستىق سوتىنىڭ ءباسپاسوز قىزمەتى.
