اۋعانستان سوعىسى جاۋىنگەرلەرىنىڭ وداعى قۇرىلعانىنا بيىل 30 جىل جانە استاناعا 15 جىل تولۋىنا وراي سەمەيگە اتتى جاساق مارافونى كەلىپ جەتتى. شەرۋ تالدىقورعان قالاسىنان باستاۋ العان ەكەن. ولار قىركۇيەكتىڭ 6-سىنا دەيىن قازاقتىڭ جەتى ءتۇرلى اسىل تۇقىمدى تۇلپارىنا ءمىنىپ, 3065 شاقىرىمدى ءجۇرىپ وتپەك. شاباندوزدار الماتى وبلىسىنىڭ 9,10 سىنىپ وقۋشىلارى. وسى اكتسيانىڭ ۇيىمداستىرۋشىسى شورماق ءىلياسوۆتىڭ ايتۋىنشا, كەلەر جىلى اۋعانستان جەرىنەن كەڭەس اسكەرلەرىنىڭ شىعارىلعانىنا 25 جىل تولادى. ال ەكى جىلدان سوڭ ۇلى جەڭىستىڭ 70 جىلدىعى تويلانباق. ءبىز ءار قالادا ينتەرناتسيوناليست جاۋىنگەرلەرمەن جانە «نۇر وتان» پارتياسىنىڭ وكىلدەرى مەن «جاس وتان» جاستار قاناتىنىڭ مۇشەلەرىمەن وسىنداي كەرەمەت ساتتەردە كەزدەسۋدەمىز, العان اسەرىمىز دە وتە جاقسى, دەيدى ول.
سەمەيدە وتكەن ميتينگكە قاتىسقان ولار جاۋىنگەر-ينتەرناتسيوناليستەرگە ارنالعان مونۋمەنتكە گۇل شوقتارىن قويىپ, ءبىر ءسات قازا تاپقانداردى ەسكە الدى. سوسىن اتتى شەرۋ جەڭىس ساياباعىنا بارىپ, تاعزىم ەتىپ, تۇيەمويناق ارالىندا «ولىمنەن دە كۇشتى» مونۋمەنتىنە دەستە گۇلدەر اپاردى. بۇلار سەمەيدەن كەيىن پاۆلودار, استانا, قاراعاندىعا جانە جامبىل وبلىسىنا جول تارتپاق.
راۋشان نۇعمانبەكوۆا.
سەمەي.
