وزەن شاياندارى – جەر شارىنىڭ بارلىق وڭىرلەرىندە ۇلكەن سۇرانىسپەن پايدالانىلاتىن ومىرتقاسىز باعالى جاندىك تۇرىنە جاتادى. ولار تازا سۋلاردا, اسىرەسە, شاعىن وزەندەر مەن اعىندى سۋلاردا كوبىرەك كەزدەسەدى. بالىق سەكىلدى جەلبەزەگىمەن دەمالادى.
وزەن شاياندارىن ءوسىرۋ, ساۋدالاۋ وتە پايدالى تابىس كوزى. سەبەبى, بۇل شايانداردان جوعارى ساپالى ديەتالىق ءارى ءدامدى ەت الىنادى.
وزەن شاياندارى – جەر شارىنىڭ بارلىق وڭىرلەرىندە ۇلكەن سۇرانىسپەن پايدالانىلاتىن ومىرتقاسىز باعالى جاندىك تۇرىنە جاتادى. ولار تازا سۋلاردا, اسىرەسە, شاعىن وزەندەر مەن اعىندى سۋلاردا كوبىرەك كەزدەسەدى. بالىق سەكىلدى جەلبەزەگىمەن دەمالادى.
وزەن شاياندارىن ءوسىرۋ, ساۋدالاۋ وتە پايدالى تابىس كوزى. سەبەبى, بۇل شايانداردان جوعارى ساپالى ديەتالىق ءارى ءدامدى ەت الىنادى.ەت قۇرامىنىڭ 16 پايىزى اقۋىزداردان, 0,5 پايىزى مايلاردان تۇرادى. شايانداردى نەگىزىنەن العاندا سورپالار, سالاتتار جانە اس مازىرلەرىنە قوسپالار ءۇشىن پايدالانادى. قايناتىلعان شاياندى بالىقتان جاسالعان تاعامدارعا تۇزدىق ەسەبىندە ۇسىنادى. وسى قاسيەتى ارقىلى ول سىرا ىشكەن كەزدە اۋىزدىڭ ءدامىن كەلتىرەتىن باعالى تىسكەباسار ەسەبىندە دە قولدانىلادى.
شايان تۇرلەرى. ءبىزدىڭ قازاقستاندا وزەن شاياندارىنىڭ ەكى ءتۇرى كوبىرەك كەزدەسەدى. ولار ەۋروپالىق جانە قيىرشىعىستىق دەپ اتالادى. وسىلاردىڭ ىشىندە ەۋروپالىق شاياندار ونەركاسىپتىك ماقساتقا ءجيى پايدالانىلادى. ەۋروپالىق شايانداردىڭ ءوزى كەڭ يىقتى جانە ۇزىن كەۋدەلى بولىپ ەكى تۇرگە ءبولىنەدى. وسىلاردىڭ ىشىندە كەڭ يىقتى شايانداردى تابىسپەن وسىرۋگە بولادى. اتى دا ايتىپ تۇرعانداي, ول كەڭ يىقتى, اياقتارى ەتتى بولىپ كەلەدى. دەنەسىندە دە ەت مول كەزدەسەدى. مۇنداي شايانداردى جاس كۇيىندە جانە كونسەرۆىلەپ پايدالانۋعا بولادى.
شاياندى كۇتۋ. شايانداردى ۇستاپ ءوسىرۋ ءۇشىن قولدان جاسالعان توعانداردى پايدالانۋدىڭ ءمۇمكىندىكتەرى مول. مۇنداي توعانداردى جاساۋ ءۇشىن ارناۋلى ءبىلىم مەن داعدى قاجەت ەمەس. تەك توعان سۋىنىڭ تازا بولۋىن ەسكەرگەن ءجون. مۇنداي توعانداردىڭ تەرەڭدىگى ادەتتە 2-5 مەتر بولىپ كەلەدى. ءتىپتى, كەيبىر جاعدايدا 8-15 مەترگە دەيىن جەتەدى.
شايانداردى ءوسىرۋ ءۇشىن نەلىكتەن جەكە توعانداردى پايدالانعان ءجون. سەبەبى, كوپتەگەن وزەندەر قازىرگى ۋاقىتتا تۇرمىستىق جانە ونەركاسىپتىك قالدىقتارمەن لاستانۋدا. مۇنداي جەرلەردە شايان ءوسىرۋدىڭ ءوز قيىندىقتارى بار. ونىڭ ۇستىنە وندىرىلگەن شايان ەتىنىڭ ەكولوگيالىق تۇرعىدان قانشالىقتى تازا بولىپ شىعاتىندىعىنا دا كەپىلدىك جوق. سوندىقتان وندىرىستىك جانە تۇرمىستىق قالدىقتاردى توگۋگە كەلمەيتىن, جەكە نەمەسە زاڭدى تۇلعالاردىڭ باقىلاۋىندا بولاتىن جەكە توعاننان پايدالىسى جوق. وسىنداي توعانداردى قولدان جاساۋدىڭ جولدارىن مىنا سايتتان الۋعا بولادى: www.crayfishmaster.narod2.ru
شايانداردى ازىقتاندىرۋ. وزەن شاياندارى دافني, تسيكلوپ, كولوۆراتوك سەكىلدى ۇساق ومىرتقاسىز جاندىكتەرمەن قورەكتەنەدى. مۇنداي جاندىكتەر توعاندار مەن شاعىن سۋ كوزدەرىندە تابيعي جولدار ارقىلى ءوسىپ جەتىلەدى. سونداي-اق, شايانداردى قوسىمشا ازىقتاندىرىپ وتىرۋ قاجەت. بۇل ءىستى كەش ۋاقىتىندا, شاياندار نەعۇرلىم مولىنان جينالاتىن جەرلەردە ۇيىمداستىرۋ كەرەك. وسىنداي جەرلەرگە بۇزىلعان ەت پەن بالىق بولشەكتەرىن, ءارتۇرلى كوكونىس كەسىندىلەرىن, نان قالدىقتارىن, استىق داندەرىن, ماي ءوندىرىسىنىڭ قالدىقتارىن سۋ بەتىنە شاشادى. توعاندا ءوسىپ-جەتىلەتىن تابيعي جاندىكتەردىڭ تۇراقتى بولۋى شايان ۇستاۋدىڭ شىعىندارىن ازايتا تۇسەدى. شاياندار كوپ جاعدايدا وسىلار ارقىلى قورەكتەنىپ جەتىلەدى.
شايان ءوسىرۋ. شايان ءوسىرۋدىڭ نەگىزگى ەكى ءتۇرى بار. ولاردى توعاندىق جانە زاۋىتتىق ءادىس ارقىلى وسىرۋگە بولادى. باستاپقى كەز ءۇشىن توعاندىق ءادىس پايدالى. ول ءۇشىن توعانعا ءاربىر 40-50 انالىق شايانعا بىرنەشە اتالىق شاياندى قوندىرىپ جىبەرىپ وتىرۋ كەرەك. شامامەن العاندا ءۇش انالىققا ءبىر اتالىقتان اينالعانى ءجون. شاياندار كوكتەم شىعىسىمەن كوبەيە باستايدى. اتالىقپەن قوسىلعان ءاربىر انالىق شايان جۇمىرتقالار شاشادى. ول جۇمىرتقالار تابيعي جولدار ارقىلى ءوسىپ-جەتىلەدى. توعان شارۋاشىلىقتارىنداعى وزەن شاياندارىن مىنە, وسىنداي جولدارمەن كوبەيتۋگە بولادى. بۇل رەتتەگى شارۋاشىلىق يەسىنىڭ نەگىزگى مىندەتى توعانداعى سۋدىڭ جاعدايىن تۇراقتى تۇردە باقىلاپ وتىرۋ. سونىڭ ىشىندە سۋداعى وتتەگى رەجىمىنە, سۋدىڭ قاتاڭ, جۇمساقتىعىنا دەن قويىپ وتىرۋ كەرەك. ولار وزەن شاياندارىن ءوسىرۋ ەكولوگياسىنا سايكەس بولعانى ءجون. سونداي-اق توعانداعى باسقا دا جاندىكتەر مەن باسقا دا تىرشىلىك كوزدەرىنىڭ بولۋىن ەسكەرگەن ءجون. ەگەر شايان ازىعى رەتىندە پايدالانىلاتىن مۇنداي تىرشىلىك كوزدەرى جەتكىلىكسىز بولسا, شايانداردى قولدان ازىقتاندىرۋعا تۋرا كەلەدى.
شايان ونىمدەرىن وتكىزۋ. بۇل بيزنەس ءتۇرى ۇيىمداستىرىلعان ماركەتينگ جاعدايىندا عانا پايدالى بولىپ, جوعارى تابىس بەرەتىندىگىن ەسكەرتەمىز. ول ءۇشىن ءوزىڭ
