«مەن بۇگىن قازاقستانداعى ۆولونتەرلار قوزعالىسىنىڭ قۇرمەتتى ەلشىسى اتانۋعا كەلىستىم. مەندە توتەنشە جانە وكىلەتتى ەلشى اتتى ديپلوماتيالىق رانگ بار. بىراق بۇل مارتەبە – ۆولونتەرلىق قىزمەتتىڭ قۇرمەتتى ەلشىسى اتانۋ دا ەرەكشە ماڭىزعا يە دەپ بىلەمىن. سول سەبەپتى ءبىز بىرگە جۇمىس اتقارامىز» دەدى پرەزيدەنت.
ءوز ەركىمەن قوعامعا پايداسىن تيگىزۋدى كوزدەيتىن ەرىكتىلەردىڭ قاتارى جىل ساناپ ارتىپ كەلەدى. بۇگىندە الەم حالقىنىڭ 970 ميلليونى ۆولونتەر بولسا, ونىڭ ىشىندە ءاربىر سەگىزىنشى قازاقستاندىق ەرىكتىلەر قاتارىن تولىقتىرۋدا.
ايتا كەتەيىك, بۇگىنگى شارا بارىسىندا بارلىعى جەتى جوبانىڭ تانىستىرىلىمى وتەدى دەپ جوسپارلانعان. فرونت-ءوفيستىڭ جۇمىسى ۆولونتەرلار قاجەتتى اقپارات الىپ, ارنايى وقىتىلادى. ۆولونتەرلىك ماسەلەلەر بويىنشا حالىققا كەڭەس بەرەتىن بىرىڭعاي Call-ورتالىق جۇمىس ىستەيتىن بولادى. فرونت-وفيس بارلىق وڭىرلەردەگى جوبالارعا شولۋ جاساپ, تىركەپ باقىلاپ وتىرادى.
ۇيىمداستىرۋشىلاردىڭ ايتۋىنشا, جوبالاردىڭ قوعامدىق مونيتورينگىن زيالى قاۋىم وكىلدەرى, تانىمال جۋرناليستەر مەن بلوگەرلەر قۇرالعان مونيتورينگتىك توپ جۇزەگە اسىرادى. سونداي-اق ونىڭ قۇرامىنا جاستار رەسۋرستىق ورتالىقتارىنىڭ ماماندارى مەن ۇكىمەتتىك ەمەس ۇيىمداردىڭ وكىلدەرى كىرەدى. جالپى رەسپۋبليكالىق ورتالىق 17 وڭىردەگى ۆولونتەرلاردى قولداپ, ولاردىڭ جۇمىسىن ۇيلەستىرۋمەن اينالىسادى. فرونت-وفيس اشىلعاننان كەيىن ولارعا ارنالعان موتيۆاتسيالىق سەسسيالار, ماستەر-كلاسستار جانە ءتۇرلى سەمينارلار وتەتىن بولادى.
