-جاستاردىڭ جاقسى مامان بولىپ قالىپتاسۋى ءۇشىن قولداۋ كورسەتىپ, كەڭ كولەمدە جاعداي جاساۋىمىز قاجەت. ەرىكتىلەر جىلىنداعى «بىلىم» جوباسى اياسىندا جاستارعا اعىلشىن ءتىلىن ۇيرەتىپ, كومپيۋتەرلىك ساۋاتتىلىقتى جەتىلدىرۋگە كومەكتەسۋ ماسەلەلەرىنە نازار اۋدارىپ وتىرمىز. جوباعا قاتىسۋعا نيەتتى جاستارعا ەسىگىمىز ءاردايىم اشىق, دەيدى جاستار رەسۋرستىق ورتالىعى باسشىسىنىڭ مىندەتىن اتقارۋشى امالبەك ءومىرتاي.
ەرىكتى رەتىندە جۇمىس ىستەپ جۇرگەن وقىتۋشى ءالىمجان بەكبولاتوۆ اباي اتىنداعى قازاق ۇلتتىق پەداگوگيكالىق ۋنيۆەرسيتەتتىڭ تۇلەگى, ق.ا.ياساۋي اتىنداعى حقتۋ – دىڭ ماگيسترانتى. «اعىلشىن ءتىلى» ماماندىعىن مەڭگەرىپ, كەيىننەن ەۋروپادا, امەريكادا ءبىلىمىن جەتىلدىرىپ كەلگەن ول ورتالىقتاعى ءتىل ۇيرەتۋ كۋرسىنىڭ جەتەكشىسى. ساپالى ءبىلىم بەرىپ, بىلىكتى ۇستاز اتانعان وقىتۋشىنى جاستار دا ارنايى ىزدەپ كەلەدى. قازىر ورتالىقتاعى كۋرستا 30 وقۋشى ءتىل ۇيرەنىپ ءجۇر. ولاردىڭ اراسىندا بولاشاقتا اۋدارماشى بولعىسى, ءتىلدى تەرەڭ مەڭگەرىپ ۇستازدىق ەتكىسى كەلەتىندەر از ەمەس.
تۇركىستان وبلىسى
