ء«بىز ۇلەستىك قۇرىلىس وبەكتىلەرىنىڭ ارقايسىسىنا بىرنەشە قايتارا باردىق: كەي ۇيلەردە قوسالقف ساتۋ فاكتىلەرى بار, تەحنيكالىق قاباتتار مەن پاركينگتەردى قۇرىلىس سالۋشىلار پاتەر رەتىندە ساتقان. قادامدىق ءىس-شارالار جوسپارى ازىرلەندى. بۇگىنگى تاڭدا قالادا 12,5 مىڭنان استام ۇلەسكەر بار, بۇل 42 نىسان. 20 ءۇيدى وسى جىلى تاپسىرامىز, بۇل وتكەن جىلمەن سالىستىرعاندا 2 ەسە كوپ. 2019 جىلى 10 تۇرعىن ءۇي كەشەنى پايدالانۋعا بەرىلدى – بۇل 2,5 مىڭ ۇلەسكەر», دەدى قالا اكىمى التاي كولگىنوۆ.
«تەرريتوريا كومفورتا – 1» تۇرعىن ءۇي كەشەنىن ءسۇرۋ جۇمىستارى باستالدى, ءۇي 2004 جىلدان باستاپ سالىنا باستاعان. ءۇيدى تەحنيكالىق تەكسەرۋ عيمارات اپاتتى جاعدايدا ەكەنىن كورسەتتى: بۇرىنعى قۇرىلىس سالۋشى تەحنيكالىق نورمالارعا سايكەس كەلمەيتىن بەتون ماركاسىن قولداندى. ينۆەستور انىقتالدى. «التىن شار» مەن «باعىستان» تۇرعىن ءۇي كەشەندەرىنىڭ قۇرىلىسى قايتا باستالدى; «شىعىس» تۇرعىن ءۇي كەشەنىندە 8 تۇرعىن ءۇي توبى بار, 3 توپ بويىنشا قۇرىلىس جۇمىستارى جۇرگىزىلىپ جاتىر, 2 توپ بويىنشا – جسق ازىرلەۋ, قالعاندارى بويىنشا – قارجى مودەلىن ازىرلەنىپ جاتىر.
№3 پوليگوندا «جاعالاۋ» تۇرعىن ءۇي كەشەنىنىڭ قۇرىلىس-مونتاج جۇمىستارى جۇرگىزىلسە, №4 پوليگون بويىنشا ينۆەستوردىڭ بانكتىك كەپىلدىگىن الۋى كۇتىلىپ وتىر. ۇلەستىك قۇرىلىستاعى نەگىزگى پروبلەمالار مىندەتان دۇرىس اتقارماعان قۇرىلىس سالۋشىلارمەن جانە پايشىلاردىڭ اراسىنداعى سوت اۋىرلىعى, جوبالىق-سمەتالىق قۇجاتتامانىڭ جانە ساراپتامانىڭ, قارجىلىق جانە تەحنيكالىق ءاۋديتتىڭ بولماۋى. پروبلەمالىق نىسانداردى اياقتاۋ ءۇشىن «نۇرلى جەر» مەملەكەتتىك باعدارلاماسىنا وزگەرىستەر ەنگىزىلدى, 13 نىسان بويىنشا مەملەكەتتىك ساراپتاما قورىتىندىسى الىندى, 19 نىسان بويىنشا ازىرلەۋ جانە تۇزەتۋ جۇرگىزىلۋدە, 26 نىسان بويىنشا قارجى جانە تەحنيكالىق اۋديت جۇرگىزىلسە, 12 نىسان بويىنشا قارجى مودەلى ازىرلەندى.
