ۇكىمەت • 12 اقپان، 2020

جىل باسىنداعى جەدەل ءوسىم

33 رەتكورسەتىلدى

پرەمەر-مينيستر اسقار ءماميننىڭ توراعالىعىمەن وتكەن ۇكىمەت وتىرىسىندا ەلىمىزدىڭ 2020 جىلعى قاڭتارداعى الەۋمەتتىك-ەكونوميكالىق دامۋىنىڭ قورىتىندىلارى جانە رەسپۋبليكالىق بيۋدجەتتىڭ ورىندالۋ بارىسى قارالدى. بۇل جونىندە ۇلتتىق ەكونوميكا ءمينيسترى رۋسلان دالەنوۆ، پرەمەر-ءمينيستردىڭ ءبىرىنشى ورىنباسارى – قارجى ءمينيسترى ءاليحان سمايىلوۆ، ۇلتتىق بانك توراعاسىنىڭ ورىنباسارى اقىلجان بايماعامبەتوۆ بايانداما جاسادى.

ماكروەكونوميكالىق كورسەتكىشتەردە وڭ قارقىن بايقالدى

ۇلتتىق ەكونوميكا ءمينيسترى ر.دا­لەنوۆ اتاپ وتكەندەي، 2020 جىلدىڭ ءبى­رىنشى ايىنىڭ قورىتىندىلارى ماك­رو­ەكونوميكالىق كورسەتكىشتەردىڭ وڭ قارقىنىن كورسەتتى.

«قاڭتاردا ءىجو ءوسۋى 3،6%-عا جە­دەل­دەدى، وتكەن جىلعى قاڭتاردا 2،9% بولعان ەدى. نەگىزگى كاپيتالعا سالىنعان ينۆەستي­تسيا 3،1%-عا ءوستى. جىلدىق ينفلياتسيا 5،6%-دى قۇرادى. بۇل 4-6% نىسانالى ءدالىز شەڭبەرىندە»، دەدى مينيستر.

ەكونوميكانىڭ بارلىق بازالىق سالالارىندا وڭ ناتيجەگە قول جەتكىزىلدى. قۇرىلىس 12،5%-عا، بايلانىس 9،8%-عا، ساۋدا 5،2%-عا، ونەركاسىپ 4،1%-عا، كولىك 3،6%-عا جانە اۋىل شارۋاشىلىعى 2،6%-عا ءوستى.

وڭدەۋ ونەركاسىبى قارقىندى ءوسىم كور­سەتۋدە. وڭدەۋدىڭ ءوسۋى 7،8%-عا دەيىن جو­عارىلادى. 5 وڭىردە ورتاشا رەسپۋب­ليكالىق دەڭگەيدەن جوعارى ءوسۋى بايقال­دى. ونىڭ ىشىندە 3 وڭىردە 15%-دان 40%-عا دەيىنگى ارالىقتا ءوسۋ تىركەلدى. اتاپ ايتقاندا، قوستاناي وبلىسى اسا جوعارى ءوسىم كورسەتتى. بۇعان ماشينا جاساۋ سالاسى وڭ ىقپال ەتتى. اتىراۋ وبلىسى 18،2% جانە تۇركىستان وبلىسى 15،2% ءوسىم كورسەتتى.

وڭىرلەردىڭ كوبىندە ينۆەستيتسيالار وسۋدە. جالپى العاندا، ينۆەستيتسيالاردىڭ ءوسۋى 3،1%-دى قۇرادى. 7 وڭىردە ءوسىم 20%-دان 76% ارالىعىندا بولدى. 1،8 ەسە دەڭ­گەيىندەگى ەڭ جوعارى ءوسۋدى شىعىس قازاق­ستان وبلىسى كورسەتتى.

ەكونوميكانىڭ بازالىق سالالارى اراسىندا ەڭ جوعارى ءوسۋ قۇرىلىس سەكتورىندا بايقالدى، ول 12،5%-دى قۇراپ وتىر. ەڭ جوعارى ءوسىمدى تۇركىستان وبلىسى كورسەتتى – 80%. بۇل تۇركىستان قالاسىن وبلىس ورتالىعى رەتىندە دامىتۋدىڭ بەلسەندى جۇرگىزىلىپ جاتقانىن كورسەتەدى. 5%-دان (نىسانالى ءوسۋ) جوعارى كورسەتكىشكە 6 ءوڭىر قول جەتكىزدى.

قاڭتاردا 732 مىڭ شارشى مەتر تۇر­عىن ءۇي پايدالانۋعا بەرىلدى. نۇر-سۇلتان، الماتى قالالارىندا جانە ماڭعىستاۋ وبلىسىندا ەڭ كوپ تۇرعىن ءۇي پايدالانۋعا بەرىلدى.

ۇكىمەتتىڭ جىل باسىندا وتكەن كەڭەي­تىلگەن وتىرىسىندا مەملەكەت باسشىسى بىرقاتار تاپسىرما بەرگەن بولاتىن. وسىعان بايلانىستى، ۇكىمەت 2020 جىلى قول جەتكىزىلۋى ءتيىس نىسانالى ينديكاتورلاردى ايقىندادى. ولار: ءىجو ءوسىمىن 4،7-5%-عا دەيىن جەتكىزۋ; نەگىزگى كاپيتالعا سالىنعان ينۆەستيتسيالار كولەمىن ءىجو-ءنىڭ 20%-ىنا دەيىن، شاعىن جانە ورتا بيزنەستىڭ ۇلەسىن 30%-عا دەيىن جەتكىزۋ; شيكىزاتتىق ەمەس ەكسپورت كولەمىن 18،6 ملرد دوللارعا ۇلعايتۋ (ياعني 3،4 ملرد دوللارعا ارتتىرۋ); 15 ملن شارشى مەتر تۇرعىن ءۇي سالۋ; 430 مىڭ جۇمىس ورنىن قۇرۋ; حالىقتىڭ ناقتى تابىسىن 6%-عا ارتتىرۋ.

پرەمەر-ءمينيستردىڭ ءبىرىنشى ورىنباسارى – قارجى ءمينيسترى ءاليحان سمايىلوۆ مەملەكەتتىك بيۋدجەتتىڭ كىرىستەرى ەسەپتىلىك كەزەڭنىڭ جوسپارىنا قاراعاندا 104،8%-عا، ونىڭ ىشىندە رەسپۋبليكالىق – 86،8%-عا جانە جەرگىلىكتى بيۋدجەتتەر – 153%-عا ورىندالىپ، رەسپۋبليكالىق بيۋدجەتتىڭ كىرىستەرى 331 ملرد تەڭگەنى قۇراعاندىعىن ايتىپ ءوتتى. «جەرگىلىكتى بيۋدجەتتەردىڭ ءوز كىرىستەرى 75 ملرد تەڭگەگە ارتىعىمەن ورىن­دالىپ، 217 ملرد تەڭگەنى قۇرادى. اسى­را ورىندالۋ سوماسىنىڭ 68 ملرد تەڭ­گەسى سالىقتىق تۇسىمدەرگە كەلەدى» دەدى ول.

ءا.سمايىلوۆ ايتقانداي، مەم­لەكەتتىك بيۋدجەتتىڭ شىعىستارى ەسەپتى كەزەڭدە 1 ترلن 50 ملرد تەڭگەنى قۇراپ، وتكەن جىلدىڭ وسى كەزەڭىمەن سالىس­تىرعاندا 5،1%-عا ءوستى. رەسپۋبليكالىق بيۋدجەت شىعىستارى 1 ترلن 18 ملرد تەڭگەگە اتقارىلدى نەمەسە 94،3%-عا ورىندالدى. جەرگىلىكتى بيۋدجەتتەردىڭ شىعىستارى 213 ملرد تەڭگەنى قۇرادى.

مەملەكەتتىك ساتىپ الۋ پروتسەدۋرالارى جانە بيۋدجەتتىڭ شىعىستارىنىڭ جۇمسالۋ بارىسى باقىلاۋدا. «قاڭتار ايىندا 159 اۋديتورلىق ءىس-شارالارمەن 96 ملرد تەڭگە بيۋدجەت قاراجاتى قامتىلدى. سونىڭ ناتيجەسىندە 39 ملرد تەڭگەگە قارجىلىق بۇزۋشىلىقتار انىقتالدى. تەكسەرۋ كەزىندە 33 ملرد تەڭگەگە بۇزۋشىلىقتار جويىلدى»، دەدى ءا.سمايىلوۆ. جالپى سوماسى 1 ترلن 730 ملرد تەڭگەگە 396 مىڭنان اسا مەملەكەتتىك ساتىپ الۋ پروتسەدۋرالارى كامەرالدىق باقىلاۋمەن قامتىلدى. ءا.سمايىلوۆ وسى جىلدىڭ باستى ماقساتتارى بيۋدجەتتىڭ كىرىسى مەن شىعىس بولىكتەرىنىڭ تولىقتاي ورىندالۋىن قامتاماسىز ەتۋ، مەملەكەتتىك ساتىپ الۋدىڭ بىرىڭعاي ۇيىمداستىرۋشىسى قاناتقاقتى جوباسىن ىسكە اسىرۋ، سالىق جانە كەدەن سالالارىنداعى بيزنەس-پروتسەستەردى تسيفرلاندىرۋ جۇمىسىن جالعاستىرۋ، اعىمداعى جىلعا ارنالعان رەسپۋبليكالىق بيۋدجەتتىڭ جوبالارىن قالىپتاستىرۋ ەكەنىن اتاپ ءوتتى.

ۇلتتىق بانك توراعاسىنىڭ ورىنباسارى اقىلجان بايماعامبەتوۆ وسى جىلدىڭ قاڭتار ايىندا جىلدىق ينفلياتسيا 5،6%-دى قۇراعانىن حابارلادى. ازىق-ت ۇلىك ەمەس جىلدىق ينفلياتسيا وتكەن ايدا اكتسيزدەردىڭ جوعارىلاۋىنا بايلانىستى بەنزيننىڭ قىمباتتاۋى ەسەبىنەن 5%-بەن سالىستىرعاندا 5،2%-دى قۇرادى. «ازىق-ت ۇلىك ينفلياتسياسى وتكەن جىلدىڭ جەلتوقسان ايىنداعى 9،6%-بەن سالىستىرعاندا جەمىس پەن كوكونىسكە، ەت جانە ەت ونىمدەرىنە، نان-توقاش ونىمدەرى مەن جارمالارعا، بالىققا، مايلارعا باعانىڭ ءوسۋ قارقىنىنىڭ تومەندەۋى ەسەبىنەن 9،2%-عا دەيىن باياۋ­لادى. وسىلايشا بىلتىر بەلگىلەنگەن ينفلياتسياعا بۇل ونىمدەر باعاسىنىڭ ءوسۋىنىڭ قوسقان ۇلەسى بىرتىندەپ تومەندەپ، 2020 جىلى ازىق-ت ۇلىك ينفلياتسيانىڭ باياۋ­لاۋى كۇتىلۋدە»، دەدى ا.بايماعامبەتوۆ.

3 اقپاندا ۇلتتىق بانك بازالىق مولشەرلەمەنى جانە ونىڭ پايىزدىق ءدالىزىن 9،25% دەڭگەيىندە ساقتاۋ تۋرالى شەشىم قابىلدادى.

2019 جىلدىڭ جەلتوقسان ايىنىڭ سوڭىندا دەپوزيتتەر كولەمى ءبىر ايدا 4%-عا ارتىپ، 19 ترلن تەڭگەنى قۇرادى. ۇلت­تىق ۆاليۋتاداعى سالىمدار 4،1%-عا، شەتەل ۆاليۋتاسىنداعى سالىمدار 3،9%-عا ءوستى. سونىڭ ناتيجەسىندە دەپوزيتتەردىڭ دوللارلانۋ دەڭگەيى الدىڭعى جىلعى جەلتوقسانداعى 48،4%-بەن سالىستىرعاندا 2019 جىلعى جەلتوقساندا 43،1%-عا دەيىن تومەندەدى.

«تەڭگەدەگى سالىمدار بويىنشا مول­شەر­لەمەلەر تارتىمدى بولىپ قالا بەرەدى جانە شەتەلدىك ۆاليۋتاداعى 2%-بەن سالىس­تىرعاندا 14،5%-عا جەتەدى. 2019 جىلدىڭ جەلتوقسان ايىندا ەكونوميكاعا بەرىلەتىن نەسيەلەر 13،9 ترلن تەڭگە بولىپ 1،4%-عا، ونىڭ ىشىندە بيزنەسكە بەرىلەتىن نەسيەلەر 1،2%-عا، حالىققا بەرىلەتىن نەسيەلەر 1،6%-عا ارتتى» دەدى ا.بايماعامبەتوۆ.

 «7-20-25» باعدارلاماسىن جۇزەگە اسىرۋ اياسىندا 30 قاڭتارداعى جاعداي بو­يىنشا 173،4 ملرد تەڭگەگە 15 134 ءوتىنىم ماقۇلداندى، ونىڭ ىشىندە 146،8 ملرد تەڭگەگە 12 777 قارىز بەرىلدى.

ماسەلەنى پرەمەر-مينيستر اسقار مامين قورىتىندىلادى. ونىڭ ايتۋىن­شا، 2020 جىلدىڭ ءبىرىنشى ايىنىڭ قورى­تىندىسى ماكروەكونوميكالىق كور­سەتكىشتەردىڭ وڭ سەرپىنىن كورسەتتى. قاڭتاردا ءىجو ءوسىمى 2019 جىلعى قاڭ­تار­داعى 2،9%-عا قاراعاندا 3،6%-عا دەيىن جىلدامدادى. نەگىزگى كاپيتالعا سالىن­عان ينۆەستيتسيالار 3،1%-عا ءوستى. ەكونو­ميكانىڭ بارلىق نەگىزگى سالالارىندا وڭ سەرپىن بايقالادى: قۇرىلىستا ءوسىم 12،5%-دى، ساۋدادا – 5،2%-دى، كولىك سالاسىندا – 3،6%-دى، تاۋ-كەن ونەركاسىبىندە، وڭدەۋ سەكتورىندا، ونىڭ ىشىندە ماشينا جاساۋدا – 21%-دى، قارا مەتاللۋرگيادا 17،5%-دى قۇرادى. ۇلتتىق قوردىڭ اكتيۆ­تەرى 6،8%-عا 61،9 ملرد دوللارعا ۇلعاي­دى، رەسپۋبليكالىق بيۋدجەتكە تۇسەتىن كىرىستەر 929،7 ملرد تەڭگەگە جەتتى، ءوسۋ قارقىنى 131%-دى قۇرادى.

«ەلباسى نۇرسۇلتان ءابىش ۇلى نازارباەۆ پەن پرەزيدەنت قاسىم-جومارت كەمەل ۇلى توقاەۆتىڭ تاپسىرمالارىن ورىنداۋ ماقساتىندا بيىل العاشقى ايدان باستاپ ەكونوميكانىڭ ءوسۋ قارقىنىن ساقتاۋ قاجەت» دەدى ا.مامين.

پرەمەر-مينيستر اتىراۋ، تۇركىستان، پاۆلودار جانە شىعىس قازاقستان وبلىس­تارىندا وسى جىلدىڭ قاڭتار ايىندا نەگىزگى كورسەتكىشتەر بويىنشا وڭ ديناميكا بايقالاتىنىن اتاپ ءوتتى. مەملەكەتتىك ورگاندار مەن وڭىرلەر باسشىلارىنىڭ ينۆەستيتسيالاردى تارتۋ، شاعىن جانە ورتا بيزنەستى دامىتۋ، ەڭبەك ونىمدىلىگىن جانە حالىقتىڭ ناقتى تابىسىن ارتتىرۋ جونىندەگى جۇمىستى كۇشەيتۋدى تاپسىردى.

 كوروناۆيرۋس تىركەلگەن جوق

كوروناۆيرۋستىڭ تارالۋىنا جول بەرمەۋ شارالارى بويىنشا اعىمداعى جاعداي مەن اتقارىلىپ جاتقان جۇمىستار تۋرالى دەنساۋلىق ساقتاۋ ءمينيسترى ەلجان ءبىر­تانوۆ پەن سىرتقى ىستەر ءمينيسترى مۇحتار تىلەۋبەردى باياندادى.

قازاقستاندا كوروناۆيرۋستىق ينفەكتسيا جاعدايلارى تىركەلگەن جوق. تەك جرۆي سيمپتومدارى مەن جوعارى تەمپەرا­تۋراسى بار 134 ادام اۋرۋحاناعا جاتقى­زىلدى، ولاردىڭ 106-سى ساۋىعىپ شىق­تى، 28-ءى ازىرگە ستاتسيونارلاردا ەمدە­لۋدە. ناۋقاستاردىڭ جاعدايى قاناعات­تا­نارلىق.

مەديتسينالىق ۇيىمدار تۇرعى­لىقتى جەرى بويىنشا قىتايدان كەل­گەن ازاماتتاردىڭ دەنساۋلىعىن مونيتو­رين­گىلەۋ بويىنشا جۇمىستى جالعاستىرۋدا، 24 167 ادام قامتىلدى، ونىڭ 1298-ءى – شەتەل ازاماتتارى. سوڭعى 14 كۇن ىشىندە قحر-دان كەلگەن 8 851 ادام مەديتسينالىق باقىلاۋعا الىنعان، قالعان 15 316-سى ينكۋباتسيالىق كەزەڭنىڭ اياقتالۋىنا بايلانىستى مونيتورينگتەن شىعارىلدى.

ورتالىق رەفەرەنس-زەرتحانا بازاسىندا اسا قاۋىپتى ينفەكتسيالار ۇلتتىق ورتالىعى ۇلتتىق بيوتەحنولوگيا ورتا­لىعىمەن بىرلەسىپ، كوروناۆيرۋستى جە­دەل دياگنوستيكالاۋعا مۇمكىندىك بەرە­تىن دياگنوستيكالىق جۇيەنى ازىرلەدى. حا­لىق­ارالىق ىنتىماقتاستىق اياسىندا روس­پوترەبنادزوردان 2000 زەرتتەۋگە دياگ­نوستيكالىق جۇيەلەر الىندى.

بۇگىندە قحر اۋماعىندا 497 قازاقستان ازا­ماتى بار، ولاردىڭ – 337-ءسى ستۋدەنت. 11 اقپانعا دەيىن 217 قازاقستان ازاماتى بەي­جىڭ قالاسىنان نۇر-سۇلتان قالاسىنا جەت­كىزىلدى. قحر-دان 155 قازاقستان ازاماتىن وسىنداي رەيسپەن اكەلۋ جوسپارلانعان. ازاماتتاردى ەلگە ەۆاكۋاتسيالاۋ جۇمىستارى اياقتالعاننان كەيىن قحر اۋماعىندا قىتايدا قالۋعا نيەت بىلدىرگەن 343 ازاماتىمىز قالادى.

پرەمەر-مينيستر مەملەكەت باسشىسى قاسىم-جومارت توقاەۆتىڭ تاپسىرماسىنا سايكەس ۇكىمەت قازاقستاندا كوروناۆيرۋستىق ينفەكتسيانىڭ تارالۋىنا جول بەرمەۋ بويىنشا بارلىق قاجەتتى شارالاردى قابىلداپ جاتقانىن اتاپ ءوتتى. «بۇگىنگى تاڭدا قازاقستان اۋماعىندا كوروناۆيرۋسپەن اۋىراتىندار تىركەلگەن جوق. جاعداي تۇراقتى جانە ۇكىمەتتىڭ تۇراقتى باقىلاۋىندا» دەدى ا.مامين.

ۇكىمەت باسشىسى دەنساۋلىق ساقتاۋ مي­نيس­ترلىگىنە سانيتارلىق-ەپيدە­ميولو­گيالىق باقىلاۋ جۇمىس­تارىن جال­عاستىرۋدى، سىرتقى ىستەر مي­نيسترلىگىنە قحر-داعى قازاقستاندىقتارمەن تىعىز بايلانىس ورناتىپ، ولارعا قاجەتتى كومەك كورسەتۋدى تاپسىردى. مونوپوليامەن كۇرەس ورگاندارى مەن دەنساۋلىق ساقتاۋ مينيسترلىگىنىڭ نازارىن ءدارىحانا جەلى­لەرىندەگى مەديتسينالىق ماسكالار مەن ۆيرۋسقا قارسى پرەپاراتتارعا باعانى جاساندى كوتەرۋدىڭ جەكەلەگەن فاكتىلەرىنە اۋداردى.

 قوردايدا جاعداي تۇراقتى

سونداي-اق ۇكىمەت وتىرىسىندا كۇن تارتىبىنەن تىس قورداي اۋدانىنداعى وقيعا تۋرالى ماسەلە جانە وقيعا سالدارىن جويۋ جونىندەگى ۇكىمەت كوميسسياسىنىڭ اتقارعان جۇمىسى قارالدى. 

«وزدەرىڭىز بىلەتىندەي، مەملەكەت باسشىسىنىڭ جارلىعىمەن بەردىبەك ماشبەك ۇلى ساپارباەۆ جامبىل وبلى­سىنىڭ اكىمى بولىپ تاعايىندالدى. بەر­دىبەك ماشبەك ۇلى ۇكىمەت كوميسسياسىن باسقارۋدى جالعاستىرادى» دەدى ا.مامين.

سونىمەن قاتار پرەمەر-مينيستر ۇكىمەتتىك كوميسسيانىڭ جۇمىسىن جال­عاس­تىرۋدى تاپسىردى. ۇكىمەت تاراپىنان بارلىق قاجەتتى قولداۋ شارالارى كورسەتىلەتىن بولادى.

ب.ساپارباەۆ اتاپ وتكەندەي، بۇگىندە جامبىل وبلىسىنىڭ قورداي اۋدانىندا جاعداي تۇراقتى. جەرگىلىكتى اتقا­رۋ­شى ورگاندار بارلىق قۇقىق قورعاۋ ورگان­دارىنىڭ قولداۋىمەن جۇمىس جۇرگىزۋدە. سوڭعى 5 كۇندە 141 ادام مەديتسينالىق كو­مەككە جۇگىندى، ونىڭ 19-ى –  پوليتسيا قىزمەتكەرى. 10 ادام قازا تاپتى. قازا تاپقانداردىڭ وتباسىلارىنا اكىمدىك پەن جەرگىلىكتى دەمەۋشىلەردىڭ ەسەبىنەن كومەك كورسەتىلدى. كوميسسيا مۇشەلەرى مەملەكەت باسشىسىنىڭ اتىنان ءار وتباسىنا كوڭىل ايتتى.

بۇگىندە قورداي اۋداندىق اۋرۋحاناسىندا – 13 ادام، الماتى قالاسىندا – 25 ادام ەم قابىلداۋدا. الماتىدان قورداي اۋدانىنا 10 جوعارى بىلىكتى دارىگەر كەلدى. «قىرعىزستانعا كەتكەن بارلىق 9 ادامدى ءبىز الدىمەن الماتىعا اكەلدىك، سوسىن تارازعا جەتكىزدىك. قازىر ول جاقتا ادام جوق. بارلىق قاجەتتى مەديتسينالىق كومەك كورسەتىلۋدە»، دەدى ب.ساپارباەۆ.

بۇگىندە ۇكىمەت كوميسسياسى جەرگىلىكتى تۇرعىنداردىڭ كومەگىمەن ورتەنگەن ۇيلەر مەن كوممەرتسيالىق نىسانداردى تەكسەرىپ جاتىر. الداعى 1-2 كۇندە كوميس­سيا ولاردىڭ ناقتى سانى مەن زارداپ شەك­كەندەردىڭ قانداي كومەككە مۇقتاج ەكەنى جايلى اقپارات بەرەدى. «بۇل ءۇش كۇندە ءبىز 5 اۋىلدىڭ تۇرعىندارىمەن كەزدەستىك، ولارعا قانداي كومەك كورسەتىلەتىنىن ناقتى­لادىق. جالپى، تۇرعىندار جاعداي­دى دۇرىس ءتۇسىنىپ وتىر. كەشە ءبىز اقسا­قال­دارمەن كەزدەستىك، ولارمەن سويلەستىك»، دەدى ب.ساپارباەۆ.

ءۇش كۇن ىشىندە كەيبىر ازاماتتار قىر­عىزستانعا كەتىپ قالعان. ب.ساپارباەۆتىڭ ايتۋىنشا، ەكى كۇن ىشىندە 8 مىڭعا جۋىق ازامات قايتارىلدى. قازىر بارلىق مەكتەپتەر، بالاباقشالار قالىپتى رەجىمدە جۇمىس ىستەپ تۇر، بارلىق دۇكەندەردە دە جۇمىس باستالدى. «قازىر تۇرعىن ۇيلەر مەن ساۋدا نىساندارىن سالۋعا جەرگىلىكتى قۇرىلىس كومپانيالارى مەن جەرگىلىكتى تۇرعىندار تارتىلاتىن بولادى. ءبىز بيزنەسمەندەرمەن، قورداي اۋدانىنىڭ حالقىمەن بىرلەسىپ جۇمىس ىستەيمىز، ولار كومەكتەسۋگە ءازىر. بارلىعى باقىلاۋدا، جاعداي قالپىنا كەلەدى دەپ ويلايمىن. ارينە، كەيبىر ماسەلەلەر بار، ولاردى جاقىن ارادا شەشەتىن بولامىز»، دەپ تۇيىندەدى ءسوزىن ب.ساپارباەۆ.

 

سوڭعى جاڭالىقتار

ەرلىكتى دارىپتەيتىن قوماقتى قور

رۋحانيات • 05 ماۋسىم، 2020

ەكى قىلمىستىق توپ ۇستالدى

ايماقتار • 05 ماۋسىم، 2020

ۇقساس جاڭالىقتار