جاۋاپتى مامان بىزگە مىنانى حابارلادى:
– 11 اقپان كۇنى ساعات 18.00-ءدىڭ شاماسىنداتەمىرتاۋدا ورنالاسقان «Bassel Group LLS» جشس-ءنىڭ كۇل ءۇيىندىسى بوگەتىن قاراۋ كەزىندە قالادان بەس شاقىرىم جەردە نۇرا وزەنىنە قالدىق سۋدىڭ قۇيىلىپ جاتقانى بەلگىلى بولدى. تەكسەرۋ بارىسىندا قۇدىقتىڭ ارتقى قابىرعاسىنداعى دانەكەرلەنگەن جىك قار مەن مۇزدىڭ قىسىمىنا شىداي الماي مايىسىپ, سونىڭ سالدارىنان سۋ اققانى انىقتالدى. بۇل توتەنشە وقيعا تۋرالى سول زاماتتا دابىل قاعىلىپ, اتالعان كاسىپورىننىڭ جۇمىسشىلارى كەمشىلىكتىڭ كوزىن جويدى.
سونداي-اق, قانات مۇساپاربەكوۆ ەكولوگيا دەپارتامەنتى باسشىسىنىڭ ورىنباسارى, «نۇرا-سارىسۋ باسسەينى» سۋ ينسپەكتسياسى باستىعىنىڭ ورىنباسارى, زەرتحانا ماماندارى, تەمىرتاۋ قالاسى اكىمىنىڭ ورىنباسارى وقيعا بولعان جەرگە بارىپ, اپاتتى جويۋ جونىندەگى جۇمىستاردى باقىلاعانىن جەتكىزدى.
– ەرتەڭ تاڭەرتەڭ تەمىرتاۋ قالاسىنىڭ اكىمدىگىنە رەسمي تۇردە ءوتىنىش ءتۇسىرىلىپ, سودان كەيىن ونى پروكۋراتۋرا ورگاندارىندا تىركەپ, جان-جاقتى تەكسەرۋدى باستايمىز, – دەپ حابارلادى قاراعاندى وبلىستىق ەكولوگيا دەپارتامەنتىنىڭ باسشىسى.
