جۇزەگە اسىرىلعانداردىڭ اراسىندا وتباسىلىق ءسۇت فەرمالارىن, مال بورداقىلاۋ الاڭدارىن سالۋ, ەشكى فەرمالارىن اشۋ, ساۋمالى بيە شارۋاشىلىعىن, كولدىك-تاۋارلى بالىق شارۋاشىلىعىن دامىتۋ, ءسۇت وڭدەۋ نىساندارى قۇرۋ قارالعان جوبالار بار. سونداي-اق اۋدان اكىمى نۇربول تۇراشبەكوۆ تۇرعىندارعا ەسەپ بەرگەن بايانداماسىندا شاعىن جانە ورتا بيزنەس سۋبەكتىلەرىنىڭ سانى ارتا تۇسكەنىن اتاپ ءوتتى. بۇگىندە ولاردىڭ سانى 7 490 بولعان, ونىڭ ىشىندە 7 265-ءى بەلسەندى سۋبەكتىلەر. ولاردا 17 250 ادام جۇمىسپەن قامتىلعان. شاعىن ورتا بيزنەس سۋبەكتىلەرىنىڭ شىعارعان ءونىم كولەمى 22,1 ملرد تەڭگەنى قۇراپ وتىر. وسى شاعىن جانە ورتا بيزنەستى قولداۋ ماقساتىندا اۋداندا 807 جوبا ءتۇرلى قارجىلىق ۇيىمدارمەن 1 612,0 ملن تەڭگەگە, ال 10 جوبا «قاراپايىم زاتتار ەكونوميكاسى» مەملەكەتتىك باعدارلاماسى اياسىندا 408,3 ملن تەڭگە كولەمىندە «اگرارلىق نەسيە كورپوراتسياسى» اق-ى ارقىلى جەڭىلدەتىلگەن نەسيەمەن قارجىلاندىرىلعان.
تابيعاتى كوركەم اۋداندا تۋريزم سالاسى دا دامۋدا. وتكەن جىلدىڭ قورىتىندىسىمەن اۋدانعا 17067 تۋريست كەلسە, ونىڭ 1 215-ءى شەتەل ازاماتتارى. اۋداندا كورىكتى جەرلەردىڭ ءتىزىمى جاسالىپ, تۋريستەرگە تانىستىرۋ ماقساتىندا ارنايى مارشرۋتتار قۇرىلعان. «وتكەن جىلى اۋدان اۋماعىنداعى «باتىس ەۋروپا – باتىس قىتاي» جول بويىنان «جول بويى قىزمەت كورسەتۋ» جوباسى ىسكە اسسا, قاراعاشتى اۋىلىندا ەتنواۋىلدىڭ قۇرىلىسى جۇرۋدە. اۋدان اۋماعىنا شىعىس قاقپادان كىرەبەرىستە جول بويى قىزمەت كورسەتۋ ورتالىعى ىسكە قوسىلدى. ول ورتالىق جولاۋشىلارعا جانە تۋريستەرگە ارنالعان زاماناۋي قوناقۇيمەن, اۆتوتۇراق, اسحانا, كافە جانە جانار-جاعارماي قۇيۋ بەكەتى قىزمەتتەرىمەن قامتىلعان», - دەدى نۇربول تۇراشبەكوۆ. سونداي-اق اۋداندا «Etno Park Resort» جوباسى بويىنشا قۇرىلىس جۇمىستارى جۇرگىزىلۋدە. جوبادا تۋريستەردى قابىلداۋ, گيد اۋدارماشى, كونفەرەنتس زال, وبلىستىق جانە اۋداننىڭ تۋريستىك مارشرۋتىنا ەنگەن نىساندارعا ساياحات قىزمەتتەرى قارالعان. جاڭادان 15 ادامعا جۇمىس ورنى اشىلادى. جوسپار بويىنشا كۇنىنە 30, جىلىنا 1000 تۋريستكە قىزمەت كورسەتىلەدى دەپ كۇتىلۋدە. بۇل جوبا بيىل ىسكە اسىرىلۋى ءتيىس.
اۋدان تۇرعىندارى ساپالى اۋىزسۋمەن قامتىلعان. اپاتتى جاعدايداعى مەكتەپتەردىڭ ماسەلەسى تۇبەگەيلى شەشىلگەن. بالاباقشامەن قامتۋ 100% پايىزعا ورىندالىپ وتىر. ەسەپتىك جيىنعا قاتىسقان وبلىس اكىمىنىڭ ورىنباسارى ۇلان تاجىباەۆ جانە جارىسسوزگە شىققان اۋداندىق ارداگەرلەر كەڭەسىنىڭ توراعاسى ءساتباي قاسىمبەكوۆ, قوعامدىق كەڭەس توراعاسى وتەپباي ماتكارىموۆ اتقارىلعان جۇمىستار جونىندە پىكىرلەرىن ورتاعا سالىپ, اۋدان اكىمىنىڭ جۇمىسىنا وڭ باعا بەردى.
