قالا اكىمى داۋرەن ماحاجانوۆتىڭ سوزىنە سەنسەك, مۇنداي كورسەتكىشتەر 65 جىلدىق تاريحى بار قالادا بۇرىن - سوڭدى بولماعان.
«يندۋستريالدى ايماقتا 2,9 ملرد تەڭگەگە 10 جوبانى ىسكە قوسۋ جوسپارلانعان. اۋىل شارۋاشىلىعى سالاسىنداعى باستى باعىت – ازىق-ت ۇلىك بەلدەۋىن قۇرىپ, جىلىنا 3 رەت ءونىم جيناۋدى جۇزەگە اسىرۋ. بۇل سالاعا ينۆەستيتسيا مەن وزىق تەحنولوگيالاردى تارتۋ. وسىعان وراي اۋىل شارۋاشىلىعى كووپەراتيۆتەرىنە بىرىكتىرۋ جۇمىستارىن جۇرگىزۋدەمىز», – دەدى قالا اكىمى تۇرعىندارعا بەرگەن ەسەپتىك بايانداماسىندا.
قالانى تابيعي گازبەن قامتاماسىز ەتۋ جۇمىستارى قارقىندى جۇرۋدە. توزىعى جەتكەن 300 كوپقاباتتى تۇرعىن ءۇيدى تولىق جوندەۋدەن وتكىزىپ, جاڭارتۋ كوزدەلگەن. جولدار جوندەلىپ, كوشەلەر جارىقتاندىرىلۋدا. ەكى كوپقاباتتى تۇرعىن ءۇي پايدالانۋعا بەرىلىپ, 10 ءۇيدىڭ قۇرىلىسى ءجۇرىپ جاتىر. الداعى ۋاقىتتا تەننيس كورتى, باسكەتبول, ۆولەيبول, فۋتبول الاڭشالارى, ۆەلوجول سالىنباق.
اۋىسىمىنا 500 كەلۋشىنى قابىلدايتىن جاڭا ەمحانا بوي كوتەردى.
ەسەپتىك كەزدەسۋگە قاتىسقان وبلىس اكىمى ومىرزاق شوكەەۆ تۇركىستانمەن بىرگە كەنتاۋ قالاسى دا قاتار داميتىندىعىن, جاڭا ءداۋىرى باستالعانىن اتاپ ءوتتى. كوپشىلىكتى يگى ىستەردىڭ جۇزەگە اسۋىنا قولداۋ كورسەتۋگە شاقىردى. سونداي-اق كەزدەسۋدەن سوڭ وبلىس اكىمى جاڭادان سالىنىپ جاتقان ۇيلەردىڭ قۇرىلىسى مەن قالانىڭ جىلۋ جۇيەسىنە ەنگىزىلگەن جاڭا جوبامەن تانىستى.
