اعىمداعى جىلدىڭ 10 جانە 12 اقپانىندا قىتاي بيلىگىمەن كەلىسىم بويىنشا بەيجىڭگە قازاقستاندىق ازاماتتاردى اكەلۋ ءۇشىن «Air Astana» اۋەكومپانياسىنىڭ ەكى ۇشاعى جىبەرىلەدى. ۇشۋ بارىسىندا جولاۋشىلارمەن بىرگە مەديتسينالىق قىزمەتكەرلەر بولادى.
قىتاي تاراپىنىڭ ءوتىنىشى بويىنشا وسى رەيستەر ارقىلى بەيجىڭگە قازاقستانداعى 47 قىتاي ازاماتىن, سونداي-اق قىتاي ەلشىلىگىنىڭ كوممەرتسيالىق ەمەس جۇگىن جەتكىزۋ جوسپارلانۋدا.
قازىرگى ۋاقىتتا قحر اۋماعىندا 719 ازاماتى بار, ونىڭ 391 وتانىنا ورالۋعا كومەك كورسەتۋ تۋرالى ءوتىنىش ءبىلدىردى. قالعاندارى - ديپلوماتيالىق مەكەمەلەردىڭ قىزمەتكەرلەرى مەن وتباسى مۇشەلەرى, ستۋدەنتتەر جانە باسقا دا جەكە تۇلعالار قىتايدا قالۋعا تىلەك ءبىلدىردى.
قازاقستاننىڭ قحر-داعى ديپلوماتيالىق مەكەمەلەرى قاجەت بولعان جاعدايدا ءتيىستى كومەك كورسەتۋ ءۇشىن ازاماتتارمەن جۇمىستى جالعاستىرۋدا جانە تۇراقتى بايلانىستا.
اتالعان بارلىق شارالار قحر اۋماعىنداعى ءبىزدىڭ ازاماتتارعا بايلانىستى بارلىق ماسەلەلەردى شەشۋگە سىندارلى كوزقاراس تانىتاتىن قىتاي تاراپىمەن تىعىز ۇيلەستىرۋ نەگىزىندە جۇزەگە اسىرىلادى.
