iKOMEK ورتالىعى باسشىسىنىڭ ورىنباسارى دينا تەمىرعاليەۆا تانىستىرۋ بارىسىندا اقش-تاعى 911 جانە 311 قىزمەتتەرىنە ۇقساس قۇرىلعان ەلوردالىق iKOMEK ورتالىعىنىڭ جۇمىسىن كورسەتتى, سونىمەن قاتار, ءبىز BIG DATA قاعيداسىمەن جۇمىس ىستەيتىن تالداۋ پلاتفورماسى, قالانى باسقارۋ پانەلى, قالاداعى احۋالدى باقىلاۋعا ارنالعان ءموبيلدى قوسىمشا, GPS-مونيتورينگ جۇيەسى, اكىمدىك تيىمدىلىگىنىڭ ءۇش دەڭگەيلى KPIs, اكىمدىك باسشىلارى: اۋدان اكىمدەرىنىڭ, اكىم ورىنباسارلارىنىڭ جانە باسقارما باسشىلارىنىڭ رەيتينگىسى سياقتى تسيفرلىق باستامالارمەن ءبولىستى. پيلوتتىق رەجىمدە iKOMEK ءموبيلدى قوسىمشاسىنا 10 ەلوردالىق مەكتەپ قوسىلعان, وندا ولار ونلاين رەجىمدە ءبىلىم بەرۋ مەكەمەسىنە قاتىستى بارلىق ءوتىنىشتى الا الادى.
سوندىقتان ازاماتتار وزدەرىن الاڭداتقان سۇراقتارعا تىكەلەي جاۋاپ الادى. «iKOMEK109 قالالىق ورتالىعى قالاداعى ءومىر ساپاسىن جاقسارتۋ جانە تۇرعىندار ءۇشىن قالالىق قىزمەتتەردىڭ ساپاسىن ارتتىرۋ بويىنشا جۇمىس جۇرگىزۋدە. سوندىقتان ءبىز ەلوردادا جايلى ءومىردى قالىپتاستىرۋ, سونىمەن قاتار, قالا مەكتەپتەرىندەگى قاۋىپسىزدىكتى قامتاماسىز ەتۋ ءۇشىن ءاربىر جاۋاپتى مەملەكەتتىك ورگانمەن تىعىز جۇمىس ىستەيمىز» دەدى iKOMEK109 قالالىق مونيتورينگ ورتالىعى باسشىسىنىڭ ورىنباسارى دينا تەمىرعاليەۆا. ارىپتەستەر بۇگىنگى تاڭدا قالا تۇرعىندارىمەن بايلانىساتىن بىرىڭعاي توراپ بولىپ تابىلاتىن «iKOMEK109 بىرىڭعاي بايلانىس ورتالىعىن» قۇرۋ تاجىريبەسىن جوعارى باعالادى. بۇگىنگى كەزدەسۋ قالانىڭ جۇيەلى تۇيتكىلدەرى رەيتينگىسىندە جاساقتالعان ءبىلىم سالاسىنداعى جۇيەلى ماسەلەلەردى شەشۋدە قويان-قولتىق ارەكەت ەتۋگە ىقپال ەتەدى.
ەستەرىڭىزگە سالا كەتەيىك, iKOMEK109 ءموبيلدى قوسىمشاسى قالا تۇرعىندارىنا ءوتىنىش بەرۋگە: فوتو-بەينەماتەريالدى تىركەي وتىرىپ, ءوتىنىش بەرۋگە, سونىمەن قاتار, ونىڭ اتقارىلۋ دارەجەسىن بىلۋگە; الداعى ءىس-شارالار, مەكتەپتەردە ساباق بولمايتىنى, تاسجولداردىڭ جابىلۋى جانە ت.ب. جونىندە بىلۋگە مۇمكىندىك بەرەتىن حابارلاندىرۋلارعا جازىلۋعا مۇمكىندىك بەرەدى.
