مينيسترلىك ىشكى جانە سىرتقى ساۋدانى, ەلەكتروندى جانە بيرجالىق ساۋدانى دامىتۋ, شيكىزاتتىق ەمەس تاۋارلار مەن قىزمەتتەردىڭ ەكسپورتىن ىلگەرىلەتۋ ءۇشىن ارنايى قۇرىلعان, وسى اتالعان مىندەتتەردىڭ ساپالى ورىندالۋى ەكونوميكانىڭ دامۋىنا تىكەلەي اسەر ەتەدى.
«ەكسپورتتىق تاۋارلار ءتىزىمىن كەڭەيتىپ, ولاردىڭ كولەمىن ۇلعايتۋ كەرەك, وتاندىق تاۋار وندىرۋشىلەردىڭ جاڭا نارىقتارعا شىعۋىن قولداۋدى كۇشەيتۋ قاجەت», - دەپ تولىقتىردى ءا. سمايىلوۆ.
سونداي-اق ءاليحان سمايىلوۆ مەملەكەت باسشىسىنىڭ 2025 جىلعا دەيىنگى ساۋدانى دامىتۋ بويىنشا مەملەكەتتىك باعدارلاما ازىرلەۋدى تاپسىرعانىن اتاپ ءوتتى. اتالعان باعدارلاما ساۋدانى دامىتۋدىڭ ناقتى ماقساتتارى, مىندەتتەرى مەن جولدارىن ايقىندايتىن, سونىمەن قاتار ساۋدا سۋبەكتىلەرىن قولداۋ بويىنشا كەڭ اۋقىمدى ءىس-شارالاردى قامتيتىن جان-جاقتى جانە ستراتەگيالىق قۇجات بولۋى كەرەك.
القا وتىرىسىنىڭ بارىسىندا قاتىسۋشىلارعا ساۋدانى دامىتۋدىڭ مەملەكەتتىك باعدارلاماسىنىڭ تۇجىرىمداماسى, تۇتىنۋشىلار قۇقىعىن قورعاۋ جانە تەحنيكالىق رەتتەۋ تۋرالى ەكى زاڭ جوباسى ۇسىنىلدى.
