قالا اكىمى التاي كولگىنوۆ قابىلداۋعا جازىلعان تۇرعىندارمەن كەزدەستى. قابىلداۋ بارىسىندا جۇمىسقا ورنالاسۋ, ءبىلىم مەن مەديتسينالىق كومەك الۋ, تۇرعىن ءۇي باعدارلامالارىنا قاتىسۋ جانە ت. ب. ماسەلەلەر كوتەرىلدى. ەلوردا تۇرعىنىنىڭ ايتۋى بويىنشا, ول بىرنەشە اي بويى بالالاردى وڭالتۋمەن اينالىسادى. ول وڭالتۋداعى ءتيىمدى ادىستەردىڭ ءبىرى بۇل باسسەيندەگى ساباقتار ەكەندىگىن, بالالار قۇلاۋدان قورىقپاي, جاڭا قوزعالىس داعدىلارىن جىلدام مەڭگەرە الاتىنىن, اتاپ ءوتتى.
ەلوردا اكىمى التاي كولگىنوۆ بۇل باعىتتىڭ ماڭىزدىلىعى تۋرالى ايتتى. ء«بىز ەرەكشە قاجەتتىلىكتەرى بار بالالارعا بىلىكتى كومەك كورسەتۋمەن اينالىساتىن ۇكىمەتتىك ەمەس ۇيىمداردىڭ وكىلدەرىمەن, دارىگەرلەرمەن, الەۋمەتتىك قىزمەتكەرلەرمەن بىرنەشە رەت كەزدەستىك. ۇسىنىستاردى تىڭدايمىز. ءوز تاراپىمىزدان قاجەتتى كومەك كورسەتەمىز, باسسەيندە وڭالتۋ جاتتىعۋلارىن جاساتاتىن ساباقتارعا قولداۋ كورسەتەمىز. ەرەكشە قاجەتتىلىكتەرى بار بالالاردى تاربيەلەپ وتىرعان اتا - انالارعا قوسىمشا مەديتسينالىق كومەك كورسەتىلەدى», - دەدى التاي كولگىنوۆ.
كەشە قالا اكىمى التاي كولگىنوۆ ازاماتتاردى جەكە قابىلدادى. تۇرعىنداردىڭ وتىنىشتەرى باقىلاۋعا الىندى.
8 اقپان (سەنبى كۇنى) «جانۇيا» وتباسى ينستيتۋتىن قولداۋ ورتالىعىندا «اشىق اكىمدىك» فورماتىندا اشىق ەسىك كۇنى وتەدى.
