وتىرىستى وڭىرلىك كەڭەستىڭ توراعاسى مۇقاش ەسكەندىروۆ جۇرگىزدى.
وڭىرلىك كاسىپكەرلىك اكتيۆ وكىلدەرى سۇراقتار قويىپ, ايماقتاعى ىسكەرلىك احۋالدى جاقسارتۋ بويىنشا ۇسىنىستارىن ايتا الدى, سونىمەن قاتار بىرقاتار پروبلەمالىق تاقىرىپتاردى تالقىلادى. ايتپاقشى, بۇگىنگى جينالىس رەكوردتىق دەڭگەيدە جينالدى, شاراعا ءۇش جۇزگە جۋىق كاسىپكەر قاتىستى.
وڭىرلىك پالاتانىڭ ديرەكتورى ولجاس قارجاۋوۆ تولىعىمەن سانداردان تۇراتىن ۇزاق ەسەپتەردەن باس تارتتى جانە تەك كاسىپكەرلەردىڭ وتىنىشتەرىنە نازار اۋداردى. كاسىپكەرلەر مەملەكەتتىك ساتىپ الۋلار سالاسىنداعى قولدانىستاعى زاڭنامانىڭ جەتىلدىرىلمەۋى, مەملەكەتتىك باعدارلامالاردى ىسكە اسىرۋدان تۋىندايتىن پروبلەمالار, سۋبسيديالار, جەر ۋچاسكەلەرىن الۋ جانە سالىق سالۋ ماسەلەلەرىن كوتەردى.
كەزدەسۋگە كاسىپكەرلەردەن باسقا, جامبىل وبلىسى اكىمىنىڭ ورىنباسارى نۇرجان كالەندەروۆ, ايماقتىق كەڭەس مۇشەلەرى, قوعامداستىق مۇشەلەرى, مەملەكەتتىك ورگاندار مەن باق وكىلدەرى قاتىستى. پالاتا ديرەكتورى وتكەن جىلى اتقارىلعان جۇمىستاردىڭ ناتيجەلەرى مەن 2020 جىلعا ارنالعان مىندەتتەرگە قىسقاشا توقتالدى.
2019 جىلى پالاتاعا بيزنەستى قورعاۋ جەلىسى ارقىلى 272 جازباشا جانە 400-دەن استام اۋىزشا وتىنىشتەر كەلىپ ءتۇستى, قورعالعان قۇقىقتاردىڭ سوماسى 742 ميلليون تەڭگەنى قۇرادى. ساراپشىلار 27 سوت وتىرىسىنا قاتىستى, ولاردىڭ 16-سىندا سوت كاسىپكەرلەردىڭ پايداسىنا شەشىم شىعاردى. پالاتا باستاماسى بويىنشا 16 لاۋازىمدى تۇلعا كاسىپكەرلىك قىزمەتكە كەدەرگى كەلتىرگەن تارتىپتىك جاۋاپكەرشىلىككە تارتىلدى.
وتكەن جىلى كەڭەستىڭ 9 وتىرىسى وتكىزىلىپ, ونىڭ 12 ماسەلە قارالدى, ونىڭ 6-اۋى وڭ شەشىمىن تاپتى, 6 ماسەلە ءارتۇرلى ينستانتسيالاردا قارالۋدا.
سونىمەن سوڭعى جىلدارى وبلىستا ميكروكرەديتتەر مەن گرانتتار كولەمىنىڭ 6,3 ملرد تەڭگەدەن 17,7 ملرد تەڭگەگە دەيىن ءوسۋ ديناميكاسى بايقالادى. سونداي-اق پالاتا جالپى سوماسى 4,031 ميلليون تەڭگە بولاتىن 1144 جوبانى سۇيەمەلدەدى.
«قاراپايىم زاتتاردىڭ ەكونوميكاسى» تۋرالى ايتار بولساق, جامبىلدىق كاسىپكەرلەر وسى باعدارلامانىڭ مۇمكىندىكتەرىن بەلسەندى قولدانادى. بۇگىنگى تاڭدا وڭىرلىك جوبالىق بيۋرودا كاسىپكەرلىك سۋبەكتىلەرىنىڭ قۇنى شامامەن 70 ملرد. وسى باعدارلامانىڭ ارقاسىندا 66 كومپانيا وڭىردە 67 ميلليارد كولەمىندە ايتارلىقتاي قارجىلىق قولداۋعا يە بولدى.
ميكروكرەديتتىك باعدارلامالاردى جۇزەگە اسىرۋدا جامبىلدىق كاسىپكەرلەردى قولداۋعا باعىتتالعان «اتامەكەن تاراز» مقۇ ۇيىمىنىڭ ەرەكشە ءرولىن انىقتاۋعا بولادى. 2019 جىلى مقۇ شامامەن 570 ميلليون تەڭگەنىڭ 117 جوباسىنا نەسيە بەردى, - دەپ تولىقتىردى پالاتا ديرەكتورى.
