ەسىل اۋدانىنىڭ اكىمى بەرىك جاكەنوۆ الەۋمەتتىك نىسانداردىڭ قۇرىلىسىنا ەرەكشە كوڭىل بولەتىنىن ايتتى.
«2019 جىلى №88 مەكتەپ, №24 مەكتەپكە جاپسارلاس عيمارات (پريگورودنىي ەلدى مەكەنى) پەن بالاباقشا اشىلدى. بۇل بالالارعا ارنالعان تاعى 1700 ورىن قۇرىپ, مەكتەپتەرگە جۇكتەلگەن شەكتەن تىس جۇكتەمەنى ازايتۋعا مۇمكىندىك بەردى.
بيىل 4 مەكتەپ پەن بالاباقشانىڭ قۇرىلىسى جۇرگىزىلىپ جاتىر. بۇل № 59, 71, 75, 76, 77, 79, 84 جانە 85 مەكتەپتەردەگى شەكتەن تىس جۇكتەمەنى ازايتادى. سونداي-اق 1200 ورىندىق مەكتەپ قازىر جوبالاۋ ساتىسىندا. سونىمەن قاتار مەملەكەتتىك-جەكە مەنشىك سەرىكتەستىك اياسىندا 360 ورىندىق بالاباقشا قۇرىلىسى ءجۇرىپ جاتىر» دەدى بەرىك جاكەنوۆ.
ەسەپتىك كەزدەسۋدە تۇرعىندار ەرەكشە قاجەتتىلىكتەرى بار ادامدارعا جاعداي جاساۋ ماسەلەلەرىن كوتەردى.
«بۇل وتە وزەكتى ءارى ماڭىزدى ماسەلە. قالادا ەرەكشە قاجەتتىلىكتەرى بار 5,5 مىڭ ادام بار. ەكى مىڭ وتباسى ەرەكشە قاجەتتىلىكتەرى بار بالالاردى تاربيەلەپ وتىر. قازىر, وكىنىشكە قاراي, ديناميكا ارتىپ كەلەدى, اسىرەسە, دتسپ, اۋتيزم جانە داۋن سيندرومى سياقتى دياگنوزدار ءجيى كەزدەسەدى. ەرەكشە قاجەتتىلىكتەرى بار جانداردىڭ جاعدايىن تۇراقتى نەگىزدە جاقسارتىپ وتىرۋ ماڭىزدى. ولار قالا ىشىندە قاۋىپسىز جانە جايلى قوزعالۋلارى ءۇشىن بارلىق جاعدايدى جاساۋ شارت. مىسالى, ينۆاتاكسي سانى ەكى ەسە ءوستى. كاسىپكەرلەردىڭ كومەگىمەن جاقىن ارادا تاعى 10 ينۆاتاكسي كولىگىن الامىز. جاڭا تۇرعىن ءۇي كەشەندەرىنىڭ ءبىرىنشى قاباتتارىندا بالالارعا ارنالعان شاعىن ورتالىقتار, وڭالتۋ ورتالىقتارى بولادى. بالالاردىڭ اتا-انالارىنا قوسىمشا ءبىلىم الۋعا, جۇمىسقا ورنالاسۋعا كومەكتەسەمىز. بۇدان باسقا, قالادا تاعى ەكى وڭالتۋ ورتالىعىن سالۋدامىز, جۇمىس ىستەپ تۇرعان يپپودروم بازاسىندا يپپوتەراپيا ساباقتارى ءۇشىن جابىق مانەج اشامىز. بۇل جۇمىستاردىڭ بارلىعىن جالعاستىرامىز», - دەدى قالا اكىمى التاي كولگىنوۆ.
بۇعان دەيىن ەلوردا اكىمى بايقوڭىر, الماتى, سارىارقا اۋداندارى اكىمدەرىنىڭ ەسەپ بەرۋ كەزدەسۋىنە قاتىستى. تۇرعىنداردىڭ سۇراقتارى جۇمىسقا الىندى.
