ا. جۇماعاليەۆ اتاپ وتكەندەي, «تسيفرلىق قازاقستان» مەملەكەتتىك باعدارلاماسى 5 باعىت بويىنشا ىسكە اسىرىلىپ جاتىر.
اتقارىلعان جۇمىستاردىڭ ناتيجەسىندە 2025 جىلدان باستاپ ءجىو 30%-عا دەيىن ءوسىم بەرەدى. 300 مىڭعا جۋىق جاڭا جۇمىس ورنى اشىلادى. تسيفرلىق ەكوجۇيەگە 67 ملرد تەڭگە سوماسىندا ينۆەستيتسيا تارتىلادى. حالىقتىڭ 97%-ى كەڭجولاقتى ينتەرنەتپەن قامتىلادى.
«بۇل جوسپارلار الەمدىك بەنچمارك نەگىزىندە جاسالعان. مىسالى, ەۋرووداقتا تسيفرلىق ەكونوميكا 40% ءوسىم بەرۋدە. ال وندىرىستىك شىعىندار 5-8%-عا قىسقارۋدا. بارلىق مەملەكەتتىك ورگاندارمەن ءىز وسى جوسپارلارعا قول جەتكىزۋىمىز قاجەت» دەدى مينيستر.
