كوميسسيا مۇشەلەرىنە جاس ماماندار تەوريالىق بىلىمدەرى مەن العاشقى مەديتسينالىق كومەك بەرۋدىڭ تاجىريبەلىك داعدىلارىن كورسەتتى. ءاربىر قاتىسۋشى سۇراقتارعا جاۋاپ بەرىپ, تاجىريبەلىك ەپتىلىكتەرىن بايقاتتى. ءسويتىپ, ىرىكتەۋ كونكۋرسىنىڭ ناتيجەسى بويىنشا كوميسسيا مۇشەلەرى 279 ماماندى جۇمىسقا ورنالاستىرۋ تۋرالى شەشىم قابىلدادى.
قوعامدىق دەنساۋلىق ساقتاۋ باسقارماسىنىڭ مالىمەتىنشە, ۇمىتكەرلەردىڭ قاتارىندا كوپبالالى وتباسىدان شىققان 86 جانە اتا-انالارى مۇمكىندىگى شەكتەۋلى 17 جاس بولعان. جۇمىسقا تۇرعان جاستاردىڭ اراسىندا مۇمكىندىگى شەكتەۋلى جاندار دا بار.
بۇگىندە وڭىردە الەۋمەتتىك جاعىنان از قامتىلعان وتباسى مۇشەلەرىن تۇراقتى جۇمىسقا تارتۋ ماسەلەسىنە كوپ كوڭىل بولىنۋدە. سونداي-اق وبلىستا مەملەكەت باسشىسىنىڭ تاپسىرماسىنا سايكەس 5300 دارىگەردىڭ ەڭبەك جالاقىسى 30 پايىزعا, 18 مىڭنان اسا ورتا بۋىندى ماماننىڭ ايلىعى 20 پايىزعا كوتەرىلگەن.
بۇدان بولەك, مەديتسينالىق ەمەس زەرتحانا ماماندارىنىڭ ايلىق جالاقىلارى 30 پايىزعا ءوستى.
