قازاقستان • 03 اقپان، 2020

قازاقستان: 89 ادام كوروناۆيرۋس كۇدىگىمەن اۋرۋحاناعا جاتقىزىلعان

1414 رەت كورسەتىلدى

باس سانيتارلىق دارىگەر جانداربەك بەكشين 6 قاڭتاردان كەيىن قىتايدان ورالعان تۇرعىنداردىڭ دەنساۋلىعى جونىندە مالىمدەمە جاسادى.

قازمەديا ورتالىعىندا وتكەن بريفينگتە جانداربەك بەكشين سوڭعى قالىپتاسقان جاعداي جايلى ايتىپ ءوتتى: «6 قاڭتاردان كەيىن قىتايدان ورالعان قازاقستاندىقتاردىڭ 90%-مەن بايلانىس ورناتىلدى. ولاردىڭ اراسىندا 89 ادام دەنە قىزۋىمەن جانە جرۆي بەلگىلەرىمەن اۋرۋحاناعا ءتۇستى. 43 ادام ەمدەلىپ شىقتى جانە 46 ادام ستاتسيوناردا قالدى».

سونداي-اق باس دارىگەر بۇل باقىلاۋدىڭ بارلىق تۇرعىندارعا ەمەس، 6 قاڭتاردان باستاپ قىتايدان كەلگەندەرگە عانا قاتىستى ەكەنىن ەسكە سالا كەتتى.

«بارلىق باقىلاۋداعى اۋرۋحانالاردان الىنعان سىنامالاردى قوسىمشا زەرتتەۋ ءۇشىن الماتىداعى ايتىمباەۆ اتىنداعى اسا قاۋىپتى ينفەكتسيالار ۇلتتىق عىلىمي ورتالىعىنا جىبەرىپ جاتىرمىز. بۇل ورتالىق جاڭا كوروناۆيرۋستى دياگنوستيكالايتىن پوليمەرازدى تىزبەكتى رەاكتسيا ادىستەمەسىن مەڭگەرگەن. ەگەر شەتەلدەن كەلسەڭىز، دەنەڭىزدىڭ قىزۋىن باقىلاڭىز. كۇدىك تۋعان جاعدايدا بارلىق ەمحانانى ارالاپ، شارشاماڭىز. بىردەن 1406 نومىرىنە حابارلاسىڭىز»، - دەدى جانداربەك بەكشين.

بۇعان دەيىن باس سانيتارلىق دارىگەر ۋحان قالاسىنان ەۆاكۋاتسيالانعان ازاماتتاردىڭ جاعدايى تۋرالى ايتىپ بەرگەن ەدى. سونداي-اق 4 اقپاننان باستاپ قازاقستان مەن قىتاي اراسىنداعى اۋە قاتىناسى توقتايدى. دۇنيەجۇزىندە بۇگىن تۇسكە دەيىن ۆيرۋس جۇقتىرعاندار سانى 17 459 ادامعا جەتتى. ودان 362 ادام قايتىس بولدى جانە 483 ادام تولىق جازىلىپ شىقتى. ولىمگە اكەپ سوققان 96 پايىز وقيعا اۋرۋدىڭ وشاعى بولعان حۋبەي پروۆينتسياسىندا تىركەلگەن.

سوڭعى جاڭالىقتار

ەكى وڭىردە اۋا ساپاسى ناشارلايدى

ايماقتار • بۇگىن، 09:36

جەڭىسكە جەتكىزگەن «جۇمىر قىلىش»

رۋحانيات • بۇگىن، 08:18

«ناۋرىز-فيلوسوفيا» ناقىشتارى

رۋحانيات • بۇگىن، 08:17

رەيتينگتە جوعارىلادى

سپورت • بۇگىن، 08:15

شەشۋشى كەزەڭ باستالادى

سپورت • بۇگىن، 08:14

كارانتين قۇرساۋى سوگىلە باستادى

ايماقتار • بۇگىن، 08:10

زالال كولەمى – 1 ملرد تەڭگە

ەكولوگيا • بۇگىن، 08:08

ۇلاننان شىققان ۇلاعات يەسى

قوعام • بۇگىن، 08:00

قازاق ءۆالسىنىڭ كورولى

تەاتر • بۇگىن، 07:56

كوكسەرەك-عۇمىر

رۋحانيات • بۇگىن، 07:54

تەكتى تەرمەشى

رۋحانيات • بۇگىن، 07:53

ۇقساس جاڭالىقتار