قازاقستاننىڭ سىرتقى ىستەر ءمينيسترى مۇحتار تىلەۋبەردى ەكى ەل ىنتىماقتاستىعى ححى عاسىرداعى قازاقستان مەن اقش-تىڭ كەڭەيتىلگەن ستراتەگيالىق ارىپتەستىك مارتەبەسىنە يە ەكەنىن اتاپ ءوتتى. ءمينيستردىڭ ايتۋىنشا, بۇل دەڭگەيدەگى ىنتىماقتاستىققا جەتۋدە وتكەن جىلى ۆاشينگتون قالاسىندا ەكى ەل باسشىلارى — قر تۇڭعىش پرەزيدەنتى نۇرسۇلتان نازارباەۆ پەن اقش پرەزيدەنتى دونالد ترامپتىڭ كەلىسسوزدەرىنىڭ ناتيجەلىگى ىقپال ەتكەن.
ەكى ەل اراسىندا ساياسي قاتىناستار, ساۋدا-ەكونوميكالىق جانە ينۆەستيتسيالىق ءوزارا ىنتىماقتاستىق, قاۋىپسىزدىك جانە حالىقارالىق تەرروريزمگە قارسى كۇرەس, قارۋ تاراتپاۋ مەن قارۋسىزداندىرۋ, ادام قۇقىقتارى مەن ءدىني بوستاندىق جانە باسقا دا سالالارعا ءوزارا ىنتىماقتاستىقتى دامىتۋ بويىنشا ءارتۇرلى دەڭگەيدە بىرنەشە الاڭدار فورماتىندا ساپالى ديالوگ جۇرگىزىلۋدە.
مۇحتار تىلەۋبەردى ءوز سوزىندە قازاقستان تاراپى قۇراما شتاتتاردى ينۆەستيتسيا, جاڭا تەحنولوگيا مەن ءبىلىمنىڭ, سونداي-اق الەمدىك دەڭگەيدەگى ستاندارتتاردىڭ قاينار كوزى رەتىندە قاراستىراتىنىن ايتتى.
