كەزدەسۋ بارىسىندا تاراپتار حالىقارالىق كۇن تارتىبىندەگى وزەكتى ماسەلەلەردىڭ كەڭ اۋقىمى جانە بۇۇ-نىڭ 75 جىلدىعىن مەرەكەلەۋگە دايىندىق بويىنشا پىكىر الماستى. بۇۇ باس اسسامبلەياسىنىڭ مەرەيتويلىق سەسسياسىنىڭ نەگىزگى تاقىرىپتارى تسيفرلاندىرۋ ماسەلەلەرى مەن جاستار بولدى.
م. تىلەۋبەردى مەملەكەت باسشىسى قاسىم-جومارت توقاەۆتىڭ پرەزيدەنتتىك جاستار كادرلىق رەزەرۆىن قۇرۋ جانە قازاقستاندا تسيفرلاندىرۋ سالاسىندا جۇرگىزىلىپ جاتقان جۇمىستار جونىندەگى باستاماسىمەن تانىستىردى.
كەشە «Digital Almaty» حالىقارالىق فورۋمىنا قاتىسقان ف. حوحشيلد قازاقستاننىڭ بۇۇ قىزمەتىندەگى بەلسەندى ءرولىن جوعارى باعالادى. ونىڭ ايتۋىنشا, قازاقستاننىڭ بۇۇ وتباسىنا ەنگەن 27 جىل ىشىندە تاراپتار ۇيىم قىزمەتىنىڭ بارلىق باعىتتارى بويىنشا ءوزارا ءىس-قيمىلدىڭ جوعارى دەڭگەيىنە قول جەتكىزدى.
