سونداي-اق, كومپانيادا كەشەندى جوسپار اياسىندا ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017-2021 جىلدارعا ارنالعان «ەڭبەك» مەملەكەتتىك باعدارلاماسىنا سايكەس سولتۇستىك وڭىرلەرگە قونىس اۋدارۋ شارالارى ىسكە اسىرىلۋدا. 2019 جىلى 6 وتباسى (13 ادام) كوشىرىلدى (سونىڭ ىشىندە, پاۆلودار وبلىسىنا – 3 وتباسى, سولتۇستىك-قازاقستان وبلىسىنا – 3 وتباسى كوشتى). كوشۋ شىعىندارى سۋبسيديالانىپ, «وزەنمۇنايگاز» اق-ى قاراجاتى ەسەبىنەن 1,3 ملن تەڭگە تولەندى.
كەشەندى جوسپار اياسىندا, «وزەنمۇنايگاز» اق قاراجاتى ەسەبىنەن «وزەنينۆەست» مكك-دا شتات بىرلىگىن ۇلعايتۋ ارقىلى قوسىمشا 350 جاڭا جۇمىس ورىندارى قۇرىلىپ, جۇمىسسىزدىق ەسەبىندە تۇرعان ازاماتتار جۇمىسپەن قامتىلدى. ولاردىڭ قىزمەتىنىڭ نەگىزگى باعىتى – قالانى اباتتاندىرۋ, سپورت, بالالار ويىن الاڭدارى مەن ساياباقتارىن اباتتاندىرۋ مەن كۇتىپ ۇستاۋ.
«وزەنمۇنايگاز» اق-نىڭ قارجىلاندىرۋى مەن مازۋتتالعان توپىراقتى تازارتۋ بويىنشا «تازا سۋ» جشس-ءى قۇرىلىپ, 90 ادام تۇراقتى جۇمىسپەن قامتىلدى. سونىمەن قاتار, ءبىلىم سالاسى بويىنشا «وزەنمۇنايگاز» اق قاراجاتى ەسەبىنەن 435 ملن تەڭگەگە مەكتەپتەرگە 269 مىڭ دانا وقۋلىقتار الىندى.
ماڭعىستاۋ وبلىسى
