دەپۋتاتتار وسى جاعداي بويىنشا ءتيىستى ورگانداردىڭ ازاماتتار اراسىندا اقپاراتتىق-ءتۇسىندىرۋ جۇمىستارىن ۋاقىتىندا جۇرگىزبەگەنىنە نازار اۋداردى.
قۇقىق قورعاۋ ورگاندارىنىڭ ارمەنيا جانە قىرعىزستاننان اكەلىنگەن اۆتوموبيلدەردى كەدەندىك راسىمدەۋ تۋرالى ۇندەۋى جۇرتشىلىق اراسىندا نارازىلىق تۋعىزعان بولاتىن. كەدەندىك راسىمدەۋگە ەاەو ەلدەرىنىڭ كەدەندىك باجدارى اراسىنداعى ايىرماشىلىق, كادەگە جاراتۋ جيناعى, اۆتوموبيل قۇنىنىڭ 12% بولاتىن قوسىمشا قۇن سالىعى (كولىك يەسى ءار كولىك ءۇشىن 2 ملن.تەڭگەدەن استام تولەنۋى ءتيىس) جاتادى. كولىك يەلەرى وسىعان بايلانىستى ءار ايماقتا جينالىپ, مەملەكەتتىك ورگاندارعا نارازىلىقتارىن بىلدىرە باستادى.
قازاقستاندا بۇگىنگى تاڭدا شەت ەلدەردە ەسەپتە تۇرعان 200 مىڭنان استام اۆتوموبيل پايدالانىلىپ وتىر.
رەسپۋبليكالىق ماڭىزى بار اۆتوموبيل جولدارىن قىستا كۇتىپ ۇستاۋعا قىسقى تەحنيكانىڭ تولىق ءازىر بولماعانى تۋرالى ماسەلە ۋاكىلەتتى كومپانياعا قاتاڭ قويىلدى.
كەزدەسۋ قورىتىندىسى بويىنشا ەاەو ەلدەرىنەن اكەلىنگەن اۆتوكولىك قۇرالدارىن ۋاقىتشا تىركەۋگە وراي قالىپتاسقان جاعدايدى جاقسارتۋ جونىندە پارلامەنت سەناتىنا زاڭنامالىق ۇسىنىستار بەرۋ ۋاكىلەتتى مەملەكەتتىك ورگاندارعا تاپسىرىلدى.
شاراعا ىشكى ىستەر, قارجى, ەكولوگيا, گەولوگيا جانە تابيعي رەسۋرستار, ساۋدا جانە ينتەگراتسيا, يندۋستريا جانە ينفراقۇرىلىمدىق دامۋ, ادىلەت مينيسترلىكتەرىنىڭ, سونداي-اق «قازاۆتوجول» ۇك» اكتسيونەرلىك قوعامى مەن رەسپۋبليكالىق نوتارياتتىق پالاتانىڭ وكىلدەرى قاتىستى.
