«قازاقستان رەسپۋبليكاسى پرەزيدەنتى قاسىم-جومارت توقاەۆتىڭ ءالىپبيدى جەتىلدىرۋ تۋرالى تاپسىرماسىن ىسكە اسىرۋ ماقساتىندا مينيسترلىك جوسپارلى جۇمىستار جۇرگىزىپ جاتىر. وسى ورايدا قازىر الەۋمەتتىك جەلىدە «مينيسترلىك كەلىپ تۇسكەن 8 نۇسقانىڭ ىشىنەن ءبىرىن تاڭداپ الادى ەكەن» دەگەن اقپارتتىڭ جالعان ەكەنىن ايتا كەتسەم دەيمىن. شىندىعىندا ءبىز كەلىپ تۇسكەن 40-تان استام نۇسقانى جان-جاقتى قاراپ, ءار قايسىسىنىڭ عىلىمي ساراپتاماسىن جاساپ, تالقىعى سالىپ, مۇمكىندىگىنشە جاۋاپ بەردىك.
ۇكىمەت جانىندا ۇلتتىق كوميسسياعا قاراستى 4 جۇمىس توبى بار. ءار توپتا بەلدى دەگەن عالىمدارمەن كەلىسە وتىرىپ, ورتاق نۇسقانى ازىرلەپ ۇسىندىق. قازىر ونى حالىقارالىق Unicode ستاندارتىنا سايكەستەندىرۋ بويىنشا جۇمىستار جۇرگىزىلىپ جاتىر. جالپى 2019 جىلدىڭ اقپان ايىنان باستاپ جەلتوقساننىڭ سوڭىنا دەيىن عالىمدار مەن ماماندار ءالىپبي, ونىڭ ەملە ەرەجەلەرى ماسەلەلەرىن تالقىلاۋعا ارنالعان 11 وتىرىس وتكىزىلدى. وسىنداي تالقىلاۋلار بارىسىندا الىپبيدەگى كەيبىر دىبىستاردىڭ تاڭبالانۋىندا جازىلىم مەن وقىلىمدا قولايسىزدىق تۋدىراتىن تاڭبالار بار ەكەندىگى انىقتالدى.
قورىتا كەلە, ءالىپبي جەكە ادامنىڭ اۆتورلىعىمەن قۇراستىرىلمايدى. ونى سالا ماماندارى, فيلولوگ-عالىمدارىمىز تۇزەپ, ورتاق شەشىمگە كەلىپ, ۇسىناتىن بولادى», دەدى عالىمجان مەلدەشوۆ.
