2013 جىلعى 29 مامىر, استانا, ۇكىمەت ءۇيى
سۇيىتىلعان كومىرسۋتەگى گازىن تەڭىز جولىمەن ەكسپورتتاۋدى دامىتۋدىڭ كەيبىر ماسەلەلەرى جانە قازاقستان رەسپۋبليكاسى ۇكىمەتىنىڭ كەيبىر شەشىمدەرىنە وزگەرىس پەن تولىقتىرۋلار ەنگىزۋ تۋرالى
سۇيىتىلعان كومىرسۋتەگى گازىن تەڭىز جولىمەن ەكسپورتتىق جەتكىزۋدى دامىتۋ ماقساتىندا قازاقستان رەسپۋبليكاسىنىڭ ۇكىمەتى قاۋلى ەتەدى:
1. قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ شەكارا قىزمەتى (كەلىسىم بويىنشا), قازاقستان رەسپۋبليكاسى قارجى مينيسترلىگىنىڭ كەدەندىك باقىلاۋ كوميتەتى, قازاقستان رەسپۋبليكاسى دەنساۋلىق ساقتاۋ مينيسترلىگىنىڭ مەملەكەتتىك سانيتارلىق-ەپيدەميولوگيالىق قاداعالاۋ كوميتەتى اقتاۋ تەڭىز پورتىنىڭ سۇيىتىلعان كومىرسۋتەگى گازىن جونەلتۋ جونىندەگى تەڭىز تەرمينالىنىڭ يەسىمەن بىرلەسىپ قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن «قازاقستان رەسپۋبليكاسىنىڭ مەملەكەتتىك شەكاراسى ارقىلى وتكىزۋ پۋنكتتەرىنىڭ جۇمىس ىستەۋىنىڭ كەيبىر ماسەلەلەرى تۋرالى» قازاقستان رەسپۋبليكاسى ۇكىمەتىنىڭ 2005 جىلعى 13 جەلتوقسانداعى №1240 قاۋلىسىمەن بەكىتىلگەن قازاقستان رەسپۋبليكاسىنىڭ مەملەكەتتىك شەكاراسى ارقىلى وتكىزۋ پۋنكتتەرىنىڭ اشىلۋ, جۇمىس ىستەۋ جانە جابىلۋ قاعيدالارىنا سايكەس قازاقستان رەسپۋبليكاسىنىڭ مەملەكەتتىك شەكاراسى ارقىلى سۇيىتىلعان كومىرسۋتەگى گازىن تاسىمالداۋدى جۇزەگە اسىراتىن كەمەلەردى وتكىزۋدىڭ تەحنولوگيالىق سحەماسىن بەكىتۋ جونىندەگى شارالاردى قابىلداسىن.
2. قازاقستان رەسپۋبليكاسى ۇكىمەتىنىڭ كەيبىر شەشىمدەرىنە مىناداي وزگەرىس پەن تولىقتىرۋلار ەنگىزىلسىن:
1) «قازاقستان رەسپۋبليكاسىنىڭ مەملەكەتتىك شەكاراسى ارقىلى وتكىزۋ پۋنكتتەرىنىڭ جۇمىس ىستەۋىنىڭ كەيبىر ماسەلەلەرى تۋرالى» قازاقستان رەسپۋبليكاسى ۇكىمەتىنىڭ 2005 جىلعى 13 جەلتوقسانداعى №1240 قاۋلىسىنا:
كورسەتىلگەن قاۋلىمەن بەكىتىلگەن قازاقستان رەسپۋبليكاسىنىڭ مەملەكەتتىك شەكاراسى ارقىلى وتكىزۋ پۋنكتتەرىنىڭ اشىلۋ, جۇمىس ىستەۋ جانە جابىلۋ قاعيدالارىندا:
مىناداي مازمۇنداعى 11-1-تارماقپەن تولىقتىرىلسىن:
«11-1. تەڭىز (وزەن) وتكىزۋ پۋنكتتەرىن سالۋدى جانە جايلاستىرۋدى مەملەكەتتىك باقىلاۋ ورگاندارىنىڭ كەلىسىمى بويىنشا تەڭىز (وزەن) پورتتارىنىڭ يەلەرى نەمەسە تەڭىز تەرمينالدارىنىڭ وپەراتورلارى جۇزەگە اسىرا الادى.»;
12-تارماق مىناداي رەداكتسيادا جازىلسىن:
«12. وسى قاعيدالاردىڭ 11-1-تارماعىندا كوزدەلگەن جاعدايدى قوسپاعاندا, كەدەن وداعىنىڭ سىرتقى شەكاراسىندا اۆتوموبيل وتكىزۋ پۋنكتىن ورناتۋ تۋرالى ۇكىمەتتىڭ شەشىمى قابىلداعاننان كەيىن قازاقستان رەسپۋبليكاسى قارجى مينيسترلىگىنىڭ كەدەندىك باقىلاۋ كوميتەتى, قازاقستان-رەسەي مەملەكەتتىك شەكاراسىنداعى اۆتوموبيل وتكىزۋ پۋنكتىن – قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ شەكارا قىزمەتى, تەمىر جول, اۋە جانە تەڭىز (وزەن) وتكىزۋ پۋنكتىن ورناتۋ بويىنشا – قازاقستان رەسپۋبليكاسى كولىك جانە كوممۋنيكاتسيا مينيسترلىگى وتكىزۋ پۋنكتىن جوبالاۋ, سالۋ (رەكونسترۋكتسيالاۋ), جابدىقتاۋ جانە تەحنيكالىق جاراقتاندىرۋ جونىندە تاپسىرىس بەرۋشىنىڭ فۋنكتسياسىن اتقارادى.»;
14-تارماق مىناداي مازمۇنداعى ەكىنشى بولىكپەن تولىقتىرىلسىن:
«تەڭىز (وزەن) پورتى يەسىنىڭ نەمەسە تەڭىز تەرمينالى وپەراتورىنىڭ قاراجاتى ەسەبىنەن تەڭىز (وزەن) وتكىزۋ پۋنكتىن جايلاستىرۋ كەزىندە كەيىننەن ۇستاۋدى تەڭىز (وزەن) پورتىنىڭ يەسى نەمەسە تەڭىز تەرمينالىنىڭ وپەراتورى جۇزەگە اسىرادى;»;
2) «قازاقستان رەسپۋبليكاسىنىڭ تەڭىز پورتتارىندا جانە ولارعا كىرەبەرىستەردە كەمەلەردىڭ ءجۇزۋ جانە تۇراقتا تۇرۋ قاعيداسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2011 جىلعى 18 شىلدەدەگى №827 قاۋلىسىنا (قازاقستان رەسپۋبليكاسىنىڭ ءپۇاج-ى, 2011 ج., №48, 647-قۇجات):
كورسەتىلگەن قاۋلىمەن بەكىتىلگەن قازاقستان رەسپۋبليكاسىنىڭ تەڭىز پورتتارىندا جانە ولارعا كىرەبەرىستەردە كەمەلەردىڭ ءجۇزۋ جانە تۇراقتا تۇرۋ قاعيداسىندا:
4-تارماقتىڭ ءبىرىنشى بولىگى مىناداي مازمۇنداعى 5) تارماقشامەن تولىقتىرىلسىن:
«5) سىرتقى رەيد – تەڭىز پورتىنا كىرەبەرىستەردە ارنايى بولىنگەن جانە كەمەلەردىڭ تۇراقتا تۇرۋىنا, قىزمەت كورسەتۋگە جانە ولاردى رەسىمدەۋگە ارنالعان سۋ كەڭىستىگى.».
مىناداي مازمۇنداعى 64-1 جانە 74-1-تارماقتارمەن تولىقتىرىلسىن:
«64-1. پورت قۇرىلىستارىنىڭ تەحنيكالىق بەيىمسىزدىگىنە جانە قاۋىپسىزدىك تالاپتارىنا بايلانىستى كەمەنىڭ پورتقا كىرۋ مۇمكىندىگى بولماعان كەزدە, پورت كاپيتانىنىڭ جازباشا رۇقساتى جانە شەكارالىق, كەدەندىك باقىلاۋ جانە سانيتاريالىق-ەپيدەميولوگيالىق قاداعالاۋ ورگاندارىنىڭ كەلىسىمى بويىنشا كەمەنىڭ كەلۋىن رەسىمدەۋ پورتتىڭ سىرتقى رەيدىندە جۇزەگە اسىرىلادى.»;
«74-1. وسى قاعيدانىڭ 64-1-تارماعىندا كوزدەلگەن جاعدايلاردا, كەمەنىڭ پورتقا كىرۋ مۇمكىندىگى بولماعان كەزدە كەمەنىڭ شىعۋىن رەسىمدەۋ پورتتىڭ سىرتقى رەيدىندە جۇزەگە اسىرىلادى.».
3. وسى قاۋلى العاشقى رەسمي جاريالانعان كۇنىنەن باستاپ كۇنتىزبەلىك ون كۇن وتكەن
سوڭ قولدانىسقا ەنگىزىلەدى.
قازاقستان رەسپۋبليكاسىنىڭ پرەمەر-ءمينيسترى س.احمەتوۆ.
