سىياقىنىڭ مولشەرى پارانىڭ كولەمىنە قاراي انىقتالادى. ماسەلەن, 2 ميلليون تەڭگەنىڭ پاراسى تۋرالى حابار بەرىلسە, وسى سومانىڭ 10 پروتسەنتىن سىياقى رەتىندە بەرۋ ۇسىنىلدى. ال سىياقىنىڭ شەكتى مولشەرى 10 ميلليون تەڭگە بولادى.
ء«بىز سىياقى بەرۋدىڭ ديففەرەنتسيالدى جۇيەسىن ەنگىزۋدى جوسپارلاپ وتىرمىز. ول ءۇشىن قازىر ءتيىستى ۇكىمەت قاۋلىسىن ازىرلەپ جاتىرمىز», دەپ اتاپ ءوتتى شپەكباەۆ.
ونىڭ مالىمەتىنشە, سوڭعى بەس جىلدا جەمقورلىق ءۇشىن جاۋاپقا تارتىلعان ادامداردىڭ باسىم بولىگى - 75 پروتسەنتى مەملەكەتتىك قىزمەتتە ورتاشا جانە تومەنگى لاۋازىمدا جۇمىس ىستەيتىندەر. بۇل ماڭىزدى ءبىر ماسەلەنىڭ كورىنىسى بولسا كەرەك. بۇگىندە وسى توپتاعى مەملەكەتتىك قىزمەتكەرلەردىڭ جالاقىسى تومەن. سول سەبەپتى ولار پارا الىپ, جەمقورلىققا اۋەستەنەدى. دامىعان مەملەكەتتەر بۇل ماسەلەنى جالاقىنى كوتەرۋ جولىمەن شەشكەن.
