قازىرگى تاڭدا قۇرامىندا 29 اسكەري قىزمەتشىسى بار قازاقستاندىق بىتىمگەرشىلىك پولكىنىڭ ءتورتىنشى بىتىمگەرشىلىك روتاسى ۇندىستانداعى نيۋ-دەلي قالاسىندا.
ءبىر اي بويى ولارعا بەكەتتەر بلوگىندا جانە باقىلاۋ پۋنكتتەرىندە قىزمەت اتقارۋ, بازانى كۇزەتۋ جانە جاياۋ تارتىپتە جانە اۆتوموبيل تەحنيكاسىندا پاترۋلدەۋ بويىنشا دايىندىق ساباقتارى وتكىزىلەدى.
وقۋ بارىسىندا بۇۇ-نىڭ ۇيىمداستىرىلۋى مەن قۇرىلىمى, ليۆان رەسپۋبليكاسىنىڭ گەوگرافيالىق ورنالاسۋى جانە ميسسيانى ورىنداۋ كەزىندە بىتىمگەرشىلىك كۇشتەرىنىڭ كونتينگەنتى باسشىلىققا الاتىن نەگىزگى نورماتيۆتىك-قۇقىقتىق اكتىلەر قارالىپ, تۇسىندىرىلەتىن بولادى.
ەستەرىڭىزگە سالا كەتەيىك, 2020 جىلى مامىر ايىندا ليۆانعا «ليۆانداعى بۇۇ ۋاقىتشا كۇشتەرى» بىتىمگەرشىلىك ميسسياسىن ورىنداۋ ءۇشىن ءتورتىنشى بىتىمگەرشىلىك روتاسى اتتانادى. قازاقستاندىق روتا بىتىمگەرشىلىك ميسسياسىن ءۇندى باتالونى قۇرامىندا اتقارادى.
