شتاب قورعانىس شارالارىن قابىلدايتىن بولادى جانە ونداعى جۇمىستار وبلىس اكىمىنىڭ تىكەلەي باقىلاۋىندا بولماق. سونىمەن قاتار شەكتەۋدى الىپ تاستاعانعا دەيىن جاعداي تۋرالى اقپارات ءاربىر اپپاراتتىق كەڭەستە تىڭدالادى.
بۇدان بولەك, الدىڭعى كۇنى كەنشىلەر استاناسىندا «كوروناۆيرۋس ينفەكتسياسىنىڭ كوكەيكەستى ماسەلەلەرى: زاماناۋي اعىمنىڭ ەرەكشەلىكتەرى, دياگنوستيكا, فارماكوتەراپيا» تاقىرىبىندا وقىتۋ سەمينارى ءوتتى. بۇل شارا ينفەكتسيا جۇقتىردى-اۋ دەگەن كۇدىككە ىلىنگەن ناۋقاستارمەن جۇمىس ىستەۋى مۇمكىن دارىگەرلەر ءۇشىن ۇيىمداستىرىلدى.
سەمينار بارىسىندا وبلىستىق كلينيكالىق اۋرۋحانانىڭ ينفەكتسيا ورتالىعىنىڭ ديرەكتورى ەرجان ءجۇنىسوۆ جۋرناليستەرگە كوروناۆيرۋس ينفەكتسياسىن جۇقتىرعان ناۋقاستاردى ەمدەۋگە مەديتسينا قىزمەتتەرىنىڭ قانشالىقتى دايىن ەكەنىن جانە قاۋىپتىڭ الدىن الۋ شارالارى تۋرالى ايتىپ بەردى.
– ءبىزدىڭ مەديتسينالىق جانە ەپيدەميولوگيالىق قىزمەتتەر مۇنداي جاعداي تىركەلە قالعان جاعدايدا, وعان ساقاداي ساي دايىن دەپ سەنىممەن ايتۋعا بولادى, – دەيدى جاۋاپتى مامان.
ياعني, وبلىستىق كلينيكالىق اۋرۋحانانىڭ ينفەكتسيالىق ورتالىعىنىڭ بازاسى نەگىزىندە اۋرۋدى جۇقتىرۋى مۇمكىن ناۋقاستار ءۇشىن قوسىمشا كەرەۋەتتەر مەن بوكستار قويىلعان. ءدارى-دارمەكتىڭ دە مول قورى جينالعان. سونىمەن قاتار سانيتارلىق-ەپيدەميولوگيالىق جانە قاۋىپتىڭ الدىن الۋ شارالارىن, ينفەكتسيا جۇقتىرعان ناۋقاس بولسا, ولاردىڭ كەلىپ-كەتۋىن شەكتەۋ ءتارتىبىن قاتاڭ قولدانۋ دا قاراستىرىلىپتى.
قاراعاندى وبلىسى
