اتاپ ايتقاندا, 2020 جىلعى 29 قاڭتاردان باستاپ قازاقستان مەن قىتاي اراسىندا جولاۋشىلار اۆتوبۋسىنىڭ تاسىمالى ۋاقىتشا توقتاتىلدى. 2020 جىلعى 1 اقپاننان باستاپ اتالعان ەكى ەل اراسىندا جۇرەتىن جولاۋشىلار پويىزدارىنىڭ باعدارى ۋاقىتشا توقتاتىلادى, 2020 جىلعى 3 اقپاننان باستاپ قازاقستان مەن قىتاي اراسىنداعى جۇيەلى اۋە قاتىناسى ۋاقىتشا توقتاتىلادى. سونداي-اق قحر ازاماتتارىنا ۆيزالار بەرۋ توقتاتىلدى, 2020 جىلعى 4-8 اقپان ارالىعىندا حالىقارالىق تەننيس فەدەراتسياسىنىڭ فەدەراتسيا كۋبوگىنىڭ ىرىكتەۋ ماتچتارىن قحر-دىڭ دۋنگۋان قالاسىنان نۇر-سۇلتان قالاسىنا اۋىستىرۋ تۋرالى ۇسىنىسى قابىلدانبادى, سونداي-اق 2020 جىلعى 12-16 اقپان ارالىعىندا سۋ دوبىنان ازيا ىرىكتەۋ چەمپيوناتى وتكىزىلمەيتىن بولدى.
ۆەدومستۆوارالىق كوميسسيا جاعدايدى تاۋلىكتىك رەجىمدە قاداعالاۋدا. بيىلعى 29 قاڭتارداعى جاعداي بويىنشا قازاقستان رەسپۋبليكاسىندا كوروناۆيرۋس ينفەكتسياسىمەن سىرقاتتانۋ وقيعاسى تىركەلمەگەن. اتالعان ماسەلە ەل باسشىلىعىنىڭ ەرەكشە باقىلاۋىنا الىنعان.
