* قازاقستاندا 1 قىركۇيەكتە 250 مىڭنان استام بالا ءبىرىنشى سىنىپقا بارادى. سونىڭ ىشىندە استانا قالاسىندا ءبىلىم مەكەنى تابالدىرىعىنان ءبىرىنشى رەت اتتايتىن بۇلدىرشىندەر سانى 12 مىڭعا جۋىقتايدى.
*قىزىلوردا وبلىستىق پروكۋراتۋراسى جىل باسىنان بەرى تابيعاتقا كەلتىرىلگەن زيانى ءۇشىن 2 ملرد. 666 ملن. تەڭگەنى مەملەكەتكە قايتاردى. ايماق قۇقىق قورعاۋشىلارى بۇعان 42 تەكسەرۋدىڭ قورىتىندىسىندا 46 ۇسىنىس پەن 12 نارازىلىق كەلتىرۋ ارقىلى قول جەتكىزدى.
*پاۆلودار وبلىسىنداعى ەكىباستۇز قالاسىندا 15 مەديتسينا قىزمەتكەرىنە پاتەرلەر كىلتتەرى تاپسىرىلدى. راسىمگە قاتىسقان وبلىس اكىمى ەرلان ارىن قايتا قالپىنا كەلتىرىلگەن قىزمەتتىك ۇيدە جالپى 55 پاتەر بار ەكەنىن ايتا كەلىپ, قالعاندارىنا مەملەكەتتىك قىزمەتكەرلەر مەن قۇقىق قورعاۋ سالاسىنىڭ ماماندارى ورنالاساتىنىن جەتكىزدى.
*وڭتۇستىك قازاقستان وبلىسىندا 1 ملن. توننا اۋىل شارۋاشىلىعى ونىمدەرى جينالدى. بۇلاردىڭ قاتارىندا كوكونىس, كارتوپ جانە باقشا داقىلدارى بار. كوش باسىندا 140 مىڭ توننالىق كورسەتكىشپەن سارىاعاش اۋدانىنىڭ ديقاندارى كەلەدى.
*اقىن, جازۋشى اقىلبەك شاياحمەت قوستاناي قالاسىنىڭ قۇرمەتتى ازاماتى اتاندى. ۇزاق جىلدار بويى ءوڭىردىڭ رۋحاني سالاسىن كوتەرۋگە اتسالىسىپ كەلە جاتقان ازاماتتى بۇل اتاققا ا.بايتۇرسىنوۆ اتىنداعى قمۋ رەكتوراتى مەن عىلىمي كەڭەسى ۇسىنسا, وعان قالالىق ءماسليحات دەپۋتاتتارى قولداۋ كورسەتتى.
*جىل باسىنان بەرى اقتاۋ قالاسىندا 64,9 ملرد. تەڭگەنىڭ ونەركاسىپ ونىمدەرى شىعارىلدى. بۇدان باسقا, 7 088, 8 ملن. تەڭگەنىڭ قۇرىلىس جۇمىستارى ورىندالدى. بۇل دەرەكتەردى قالا اكىمى ەدىل جاڭبىرشين ءماسليحاتتا بەرگەن ەسەبىندە كەلتىردى.
* كەشە شىعىس قازاقستان وبلىسى بەسقاراي اۋدانىنداعى قارامىرزا اۋىلىندا مادەنيەت ءۇيى اشىلدى. بۇل كوپ جىلدار بويى قاڭىراپ بوس تۇرعان عيماراتتى كۇردەلى جوندەۋدەن وتكىزىپ, قايتا جاڭعىرتۋ ارقىلى جۇزەگە اسىرىلدى.
«قازاقپارات», «قازاقستان جاڭالىقتارى», Bnews.kz, TengriNews, EgemenNews حابارلارى بويىنشا دايىندالدى.
