قازاقستان پرەزيدەنتى قاسىم-جومارت توقاەۆ ەلازىع پروۆينتسياسىنداعى جەر سىلكىنىسى سالدارىنان كوپتەگەن ادامنىڭ قازا تاپقانى جانە زارداپ شەككەنى تۋرالى سۋىت حاباردى تەرەڭ كۇيزەلىسپەن قابىل الدى.
– وسىنداي اۋىر ساتتە قايعى-قاسىرەتتەرىڭىزگە ورتاقتاسىپ, بارشا قازاقستاندىقتار مەن جەكە ءوز اتىمنان سىزگە, سونداي-اق, باۋىرلاس تۇرىك حالقىنا قايعىرا كوڭىل ايتامىن. اللا تاعالادان تابيعي اپات كەزىندە قازا بولعانداردىڭ جاندارى ءجانناتتا بولۋىن, جارالانعانداردىڭ تەز ارادا ساۋىعۋىن تىلەيمىن, – دەلىنگەن جەدەلحاتتا.
