ۇكىمەت • 24 قاڭتار، 2020

ۇكىمەت وتىرىسى: 2020 جىلى 150 مىڭنان استام وتباسى باسپانالى بولادى

185 رەتكورسەتىلدى

بۇل تۋرالى پرەمەر-مينيستر اسقار مامين پرەزيدەنتتىڭ توراعالىعىمەن ءوتىپ جاتقان ۇكىمەتتىڭ كەڭەيتىلگەن وتىرىسىندا ايتتى.

پرەمەر-مينيستر حالىقتى تۇرعىن ۇيمەن جانە ساپالى ينفراقۇرىلىممەن قامتاماسىز ەتۋ ماسەلەسى ۇكىمەت باقىلاۋىندا تۇرعانىن جەتكىزدى.

«2020 جىلى 15 ملن شارشى مەتر تۇرعىن ءۇي سالىنادى. 150 مىڭنان استام وتباسى باسپانالى بولادى. 11 تازارتۋ قۇرىلىستارىن جاڭعىرتۋ باستالادى. جالپى، 2024 جىلعا دەيىن 53 تازارتۋ قۇرىلعىسىن 328 ملرد تەڭگەگە جاڭعىرتۋ مەن قايتا جاڭارتۋدى اياقتاۋ كوزدەلىپ وتىر»،- دەدى ا. مامين.

ۇكىمەت باسشىنىڭ ايتۋىنشا، گازداندىرۋ بويىنشا 44 جوبانى ىسكە اسىرعان جاعدايدا تابيعي گازعا قول جەتكىزگەن تۇرعىن سانى 1،2 ملن-عا ارتادى.

اۋىل تۇرعىندارىنىڭ ءومىر ساپاسىن جاقسارتۋ ماسەلەسى دە كۇن تارتىبىندە بار. 

«اۋىل تۇرعىندارىنىڭ ءومىر ءسۇرۋ ساپاسىن ارتتىرۋ ءۇشىن «اۋىل - ەل بەسىگى» جوباسى شەڭبەرىندە جاڭا ستاندارتتارعا سايكەس 190 اۋىلدا ساپالى ينجەنەرلىك، كولىكتىك جانە الەۋمەتتىك ينفراقۇرىلىمدى دامىتۋ بويىنشا 800 جوبا ىسكە اسىرىلاتىن بولادى. جالپى، الداعى 7 جىلدا 3،5 مىڭنان استام اۋىل ينفراقۇرىلىمىن جاڭعىرتۋعا 900 ملرد تەڭگە قاراستىرىلعان»،- دەدى پرەمەر-مينيستر ءوز سوزىندە.

سوڭعى جاڭالىقتار

بەتپەردە كيگەن كوكتەم - 7

قوعام • بۇگىن، 16:07

Samsung تاعى نە پاتەنتتەدى؟

تەحنولوگيا • بۇگىن، 15:23

تاسقىنعا – توسقىن

ايماقتار • بۇگىن، 13:25

قايىقشى اتانىڭ حيكاياسى

رۋحانيات • بۇگىن، 12:39

ۇقساس جاڭالىقتار