بۇگىن سولتۇستىك كورەيانىڭ ۇكىمەتى شىعىس ازيا چەمپيوناتىندا جەڭىسكە جەتكەن فۋتبولدان ايەلدەر قۇراماسىنىڭ مۇشەلەرىنە «وكريو» رەستورانىندا قۇرمەت كورسەتتى. بۇل تۋرالى يتار-تاسس حابارلادى.
تۋرنير وڭتۇستىك كورەيانىڭ سەۋل جانە حۆاسون قالالارىندا 20-28 شىلدە ارالىعىندا ءوتتى. ونىڭ بارىسىندا كحدر قىزدارى كورەيا رەسپۋبليكاسىنىڭ قۇراماسىن 2:1, قىتاي كومانداسىن 1:0 ەتىپ ۇتىپ, جاپون جاساعىمەن 0:0 ەسەبىمەن تەڭ وينادى.
قوناقاسى كەزىندە كورەيا ەڭبەك پارتياسىنىڭ حاتشىسى كيم يون چجين سپورتشىلارعا ارناپ ءسوز سويلەگەن. سوزىندە ول قىزداردى «حالىق پەن ارميانى وسىنداي جەڭىسىمەن قۋاندىرا بەرۋگە» شاقىرعان. وعان جاۋاپ سوزىندە فۋتبولشى قىز را ۋ سين ەلدىڭ داڭقىن اسىرۋ ءۇشىن بۇدان دا زور جەڭىستەرگە جەتە بەرەتىندەرىنە سەندىرگەن. ول كيم چەن ىن جولداستىڭ زور قامقورلىعى ارقاسىندا بۇعان قول جەتكىزۋگە بولاتىنىن جەتكىزدى.
بۇل سولتۇستىك كورەيا قىزدارىنىڭ وڭتۇستىك كورەيا الاڭدارىندا سوڭعى ءتورت جىلدان بەرى ءبىرىنشى رەت ونەر كورسەتۋى بولدى.
مۇرات ايتقوجا.
