رەسەيدىڭ ەرەجەسىز شايقاس مايدانىنىڭ جاۋىنگەرى الەكساندر ەمەليانەنكو جاس قىزدى زورلادى دەگەن كۇدىككە ۇشىرادى. بۇل تۋرالى FightNews.ru بوكس ينتەرنەت باسىلىمى حابارلادى.
وقيعا 2 تامىز كۇنى ماسكەۋدەگى پاتەرلەردىڭ بىرىندە ورىن العان سياقتى. قازىر اتالمىش ىسپەن رەسەي فەدەراتسياسى تەرگەۋ كوميتەتىنىڭ باس تەرگەۋ باسقارماسى اتالمىش شاعىم بويىنشا پروتسەسسۋالدى تەكسەرۋ جۇمىستارىن جۇرگىزۋدە. تەكسەرۋ شەڭبەرىندە تەرگەۋشىلەر ەمەليانەنكونى تەرگەپ ۇلگەردى. بۇدان كەيىن ارىز بەرۋشى قىزدىڭ ۋاجدەرى تىڭدالدى. بۇدان باسقا, كەششە تەرگەۋشىلەر قىزدى مەديتسينالىق جاعىنان تەكسەرۋدى جۇرگىزدى.
ايتا كەتەيىك, اعايىندى ەمەليانكولاردىڭ كىشىسى ءوزىنىڭ كەلەسى جەكپە-جەگىن الداعى 25 تامىز كۇنى دونداعى روستوۆتا امەريكالىق دەرريل سكۋنوۆەرمەن وتكىزۋگە ءتيىس بولاتىن. الايدا, وقيعا بۇدان ءارى وسى قالپىندا ءورىس الىپ كەتەتىن بولسا, سپورتشىنىڭ تاياۋ ارالىقتاعى تاعدىرىنىڭ نە بولىپ كەتەرى ازىرگە بەلگىسىز.
مۇرات ايتقوجا.
