كەشە ەلباسى نۇرسۇلتان نازارباەۆ كولىك جانە بايلانىس قىزمەتكەرلەرىمەن قاتار, وزدەرىنىڭ كاسىبي مەرەكەسىن اتاپ وتەتىن تەمىرجولشىلاردى قۇتتىقتاپ, «قازاقستان تەمىر جولى» ۇك» اق سالعان تۇرعىن ءۇي كەشەنىنەن ولارعا جاڭا پاتەرلەردىڭ كىلتىن تابىس ەتتى.
سالتاناتتى شارادا كوتەرىڭكى كوڭىل-كۇيدە بولعان پرەزيدەنت تەمىرجولشىلاردىڭ ەلىمىزدىڭ ەكونوميكاسىنىڭ دامۋىنا قوسىپ جاتقان زور ۇلەسىن اتاپ ءوتتى.
كەشە ەلباسى نۇرسۇلتان نازارباەۆ كولىك جانە بايلانىس قىزمەتكەرلەرىمەن قاتار, وزدەرىنىڭ كاسىبي مەرەكەسىن اتاپ وتەتىن تەمىرجولشىلاردى قۇتتىقتاپ, «قازاقستان تەمىر جولى» ۇك» اق سالعان تۇرعىن ءۇي كەشەنىنەن ولارعا جاڭا پاتەرلەردىڭ كىلتىن تابىس ەتتى.
سالتاناتتى شارادا كوتەرىڭكى كوڭىل-كۇيدە بولعان پرەزيدەنت تەمىرجولشىلاردىڭ ەلىمىزدىڭ ەكونوميكاسىنىڭ دامۋىنا قوسىپ جاتقان زور ۇلەسىن اتاپ ءوتتى.
جىل سايىن قازاقستاندا 1500 شاقىرىمنان اسا اۆتوموبيل جولدارى جوندەۋدەن وتكىزىلەدى. سونداي-اق, 1200 شاقىرىم جاڭا تەمىر جول جەلىلەرى تارتىلادى, دەدى پرەزيدەنت. بىردە-ءبىر پوستكەڭەستىك ەلدە تاۋەلسىزدىك جىلدارى مۇنداي كولەمدە جول سالىنعان جوق. سونىمەن قاتار ءبىز ۆاگوندار مەن لوكوموتيۆتەر قۇراستىراتىن ءوز زاۋىتىمىزدى سالىپ, ەندى ولاردىڭ ونىمدەرىن ەكسپورتقا شىعارا باستادىق. بۇگىنگى كۇنى بارلىق جولاۋشى جانە جۇك تاسىمالىنىڭ ىشىندەگى ەڭ ۇلكەن ۇلەس تەمىرجولعا تيەسىلى. سونىڭ ءبارى سىزدەردىڭ ەڭبەكتەرىڭىزدىڭ ارقاسىندا قول جەتكىزىلگەن تابىستار.
قادىرمەندى تەمىرجولشىلار, مەن سىزدەردى جەكسەنبى كۇنى اتالىپ وتەتىن كاسىبي مەرەكەلەرىڭىزبەن قۇتتىقتايمىن, دەدى ءارى قاراي ن.نازارباەۆ.
– سونىڭ قارساڭىندا قۋانىشتارىڭىزعا قۇتتى بولسىن ايتايىن دەپ ادەيى كەلىپ تۇرمىن. بۇگىن سىزدەر تەڭدەسى جوق ادەمى پاتەرلەر الاتىن بولاسىزدار. مەن سىزدەرگە وسى باسپانالاردىڭ كىلتتەرىن تاپسىرۋ ءۇشىن كەلدىم.
ەلباسىنىڭ قولىنان بىرقاتار ءوندىرىس وزاتتارى مەن تەمىر جول سالاسىنىڭ ۇزدىك ۇيىمداستىرۋشىلارى جاڭا پاتەرلەردىڭ كىلتىن الدى. وسى ورايدا نۇرسۇلتان ءابىش ۇلى ءوزىنىڭ ۇزدىك مەتاللۋرگ رەتىندە العان العاشقى پاتەرىن ەسكە الدى. ول «حرۋششەۆكاداعى» بار بولعانى 27 شارشى مەترلىك ۇياشىق ەدى. سونىڭ وزىنە ءبىز ءماز بولىپ, ءوزىمىزدى باقىتتى ساناعان ەدىك. سوندىقتان مەن پاتەر الۋدىڭ قانشالىقتى ۇلكەن قۋانىش ەكەنىن بىلەمىن. ونىڭ ۇستىنە سىزدەر بارىنشا قولايلى, كەڭ, بيىك, جارىق پاتەر الىپ جاتىرسىزدار, دەدى مەملەكەت باسشىسى.
ەلباسى ن.نازارباەۆ جاڭا قونىس يەلەرىنىڭ ءبىرى سىزدىقوۆتاردىڭ پاتەرىندە بولىپ, ولاردىڭ قۋانىشتارىمەن ءبولىستى.
بۇل «قازاقستان تەمىر جولى» ۇك» اق 2012 جىلدان باستاپ سالا باستاعان 548 پاتەرلى تۇرعىن ءۇي كەشەنىنەن بەرىلگەن پاتەرلەر. ازىرگە ونىڭ ءبىرىنشى كەزەگى اياقتالدى, ال 441 پاتەرلى ەكىنشى كەزەگى 2014 جىلى پايدالانۋعا بەرىلەتىن كورىنەدى. ۇلتتىق كومپانيا وڭىرلەردە سالىنىپ جاتقان تەمىر جول ماگيسترالدارىنىڭ بويىنداعى ستانسالار مەن بەكەتتەرگە دە جايلى پاتەرلەر سالۋدى جالعاستىرىپ وتىر. ماسەلەن, «جەزقازعان – بەينەۋ» تەمىرجولىنىڭ بويىنا 1482 تۇرعىن ءۇي سالدى. ال جاڭادان تۇرعىزىلىپ جاتقان «ارقالىق – شۇباركول» جەلىسىنىڭ بويىنا 157 پاتەر سالىنباق.
جاقسىباي سامرات,
«ەگەمەن قازاقستان».
-----------------------------------------
سۋرەتتەردى تۇسىرگەندەر
س.بوندارەنكو, ب.وتارباەۆ.
