بۇرناعى كۇنى قازاقستان پرەزيدەنتى نۇرسۇلتان نازارباەۆ حالىقارالىق كورمەلەر بيۋروسىنىڭ باس حاتشىسى ۆيسەنتە لوسسەرتالەستى قابىلدادى, دەپ حابارلادى پرەزيدەنتتىڭ ءباسپاسوز قىزمەتى.
كەزدەسۋ بارىسىندا استانادا ەكسپو-2017 كورمەسىن ۇيىمداستىرۋ ماسەلەلەرى, سونىڭ ىشىندە تىركەۋ قۇجاتتاماسىن دايىنداۋ پروتسەسى تالقىلاندى. مەملەكەت باسشىسى ۆ.لوسسەرتالەستىڭ قازاقستانعا ءجيى ساپارىنىڭ ماڭىزدىلىعىن اتاپ ءوتىپ, ۇدايى قولداۋ كورسەتىپ كەلە جاتقانى ءۇشىن العىس ءبىلدىردى.
بۇرناعى كۇنى قازاقستان پرەزيدەنتى نۇرسۇلتان نازارباەۆ حالىقارالىق كورمەلەر بيۋروسىنىڭ باس حاتشىسى ۆيسەنتە لوسسەرتالەستى قابىلدادى, دەپ حابارلادى پرەزيدەنتتىڭ ءباسپاسوز قىزمەتى.
كەزدەسۋ بارىسىندا استانادا ەكسپو-2017 كورمەسىن ۇيىمداستىرۋ ماسەلەلەرى, سونىڭ ىشىندە تىركەۋ قۇجاتتاماسىن دايىنداۋ پروتسەسى تالقىلاندى. مەملەكەت باسشىسى ۆ.لوسسەرتالەستىڭ قازاقستانعا ءجيى ساپارىنىڭ ماڭىزدىلىعىن اتاپ ءوتىپ, ۇدايى قولداۋ كورسەتىپ كەلە جاتقانى ءۇشىن العىس ءبىلدىردى.
– ءبىز ەكسپو كورمەسىن ءوتكىزۋدەگى الەمنىڭ كوپتەگەن مەملەكەتىنىڭ ۇزدىك تاجىريبەسىنە تالداۋ جاسادىق. وسىعان بايلانىستى ءبىز ءۇشىن كورمەنى وتكىزۋ ەلىمىزگە قانداي پايدا اكەلەتىنى جانە ول اياقتالعاننان كەيىن نە بولاتىنى ەرەكشە ماڭىزدى. بۇل ماسەلە كوپتەگەن ازاماتتارىمىزدى تولعاندىرادى. ءبىز قۇرىلعان ينفراقۇرىلىم ءوز قولدانىسىن تاۋىپ, ەلوردامىزعا جانە بارشا ەلىمىزگە پايداسىن تيگىزۋى ءۇشىن قولدان كەلگەننىڭ بارلىعىن جاساۋعا ءتيىسپىز, – دەدى قازاقستان پرەزيدەنتى.
نۇرسۇلتان نازارباەۆ «جاسىل» ەكونوميكاعا ءوتۋ جونىندە ەلىمىز قابىلداعان تۇجىرىمداما «بولاشاق ەنەرگياسى» اتتى كورمە تاقىرىبىمەن ۇندەسەتىنىن دە اتاپ ءوتتى.
– اتالعان ماقساتتاعى جەتىستىكتەر بىرقاتار سالالار بويىنشا ناقتى وزگەرىستەرگە ءتۇسىپ, جاڭا يندۋستريانى قالىپتاستىرادى جانە ساپالى جۇمىس ورىندارى قۇرىلادى. وسىنىڭ ءبارى ەلىمىزدىڭ ودان ءارى دامۋىنا ەلەۋلى ىقپالىن تيگىزەدى, – دەدى مەملەكەت باسشىسى.
ءوز كەزەگىندە ۆ.لوسسەرتالەس ەكسپو-2017 كورمەسىن وتكىزۋگە دايارلىق جاساۋ جونىندە قازاقستانداعى قىزمەتتىڭ جەدەلدىگى مەن تيىمدىلىگىنە توقتالدى.
– ءبىز كورمەگە ۋاقىتىلى دايىندالىپ جانە وتكىزۋ ءۇشىن بەلگىلەنگەن جوسپارعا ساي جۇمىس جۇرگىزۋدەمىز. ءتيىمدى ۇيلەستىرۋ بار. ەكسپو-2017 كورمەسىن وتكىزۋ جونىندەگى مەملەكەتتىك كوميسسيا ارنايى كومپانيا قۇرۋ تاپسىرماسىن تابىستى ورىنداپ, قىسقا مەرزىمدە ءتيىمدى جۇمىستى جولعا قويدى. ەڭ باستىسى – بارلىق قاجەتتى قۇجات, سونىڭ ىشىندە تىركەۋ قۇجاتتاماسى ءىس ءجۇزىندە دايىن. بيىل قۇجاتتاما ۇسىنىلادى, ودان كەيىن ءبىزدىڭ ىشكى راسىمدەر جۇزەگە اسىرىلادى, ال كەلەسى جىلى ءبىز تىركەۋدى تولىق اياقتايمىز, – دەدى حالىقارالىق كورمەلەر بيۋروسىنىڭ باس حاتشىسى.
سونداي-اق, كەزدەسۋ بارىسىندا كورمەنى ۇلتتىق دەڭگەيدە دە, حالىقارالىق دەڭگەيدە دە ىلگەرىلەتۋدىڭ ماڭىزدىلىعى اتاپ ءوتىلدى.
قازاقستانعا ساپارى كەزىندە ۆ.لوسسەرتالەسكە تىركەۋ قۇجاتتاماسىنىڭ جەكەلەگەن تاراۋلارىنىڭ جۇمىس بابىنداعى الدىن الا نۇسقاسى, اتاپ ايتقاندا, كورمەدەن كەيىن پايدالانۋ جوسپارى, كوممۋنيكاتسيالىق جوسپار, سونداي-اق «بولاشاق ەنەرگياسى» تاقىرىبىن اشىپ كورسەتەتىن كورمەنىڭ مازمۇنى تۋرالى جوسپار تانىستىرىلدى.
