كەشە پرەمەر-مينيستر سەرىك احمەتوۆ «قولجەتىمدى تۇرعىن ءۇي-2020» باعدارلاماسىن جۇزەگە اسىرۋ, قۇرىلىس يندۋسترياسىن دامىتۋ جانە وراق ناۋقانىن وتكىزۋ ماسەلەلەرى بويىنشا سەلەكتورلىق رەجىمدە كەڭەس وتكىزدى, دەپ حابارلادى پرەمەر-ءمينيستردىڭ ءباسپاسوز قىزمەتى.
«قولجەتىمدى تۇرعىن ءۇي-2020» باعدارلاماسىنىڭ جۇزەگە اسۋ بارىسى تۋرالى وڭىرلىك دامۋ ۆيتسە-ءمينيسترى س.نوكين باياندادى.
كەشە پرەمەر-مينيستر سەرىك احمەتوۆ «قولجەتىمدى تۇرعىن ءۇي-2020» باعدارلاماسىن جۇزەگە اسىرۋ, قۇرىلىس يندۋسترياسىن دامىتۋ جانە وراق ناۋقانىن وتكىزۋ ماسەلەلەرى بويىنشا سەلەكتورلىق رەجىمدە كەڭەس وتكىزدى, دەپ حابارلادى پرەمەر-ءمينيستردىڭ ءباسپاسوز قىزمەتى.
«قولجەتىمدى تۇرعىن ءۇي-2020» باعدارلاماسىنىڭ جۇزەگە اسۋ بارىسى تۋرالى وڭىرلىك دامۋ ۆيتسە-ءمينيسترى س.نوكين باياندادى.
ۇستىمىزدەگى جىلدىڭ التى ايىندا قارجىلاندىرۋدىڭ بارلىق كوزدەرى بويىنشا 3 ملن. شارشى مەتر تۇرعىن ءۇي پايدالانۋعا بەرىلدى, ول جىلدىق جوسپاردىڭ 46 پايىزى. سالىنعان تۇرعىن ۇيلەردىڭ جالپى كولەمىنىڭ 60 پايىزدان استامى نەمەسە 1,8 ملن. شارشى مەترى جەكە قۇرىلىس سالۋشىلار ۇلەسىنە تيەسىلى, دەدى س.نوكين.
ونىڭ ايتۋىنشا, كەزەكتە تۇرعاندار ءۇشىن ارەندالىق تۇرعىن ءۇي سالۋعا 2013 جىلعا 17,5 ملن. تەڭگە قاراستىرىلعان. ەگەر بۇعان دەيىن جىل سايىن شامامەن 2-2,5 مىڭ پاتەر سالىنسا, بيىل جالپى الاڭى 285 مىڭ شارشى مەتردى قۇرايتىن 4 مىڭ پاتەر سالۋ جوسپارلانىپ وتىر. ءىس جۇزىندە جارتىجىلدىقتىڭ قورىتىندىسى بويىنشا كولەمى 38,4 مىڭ شارشى مەتردى قۇرايتىن ارەندالىق تۇرعىن ۇيدە 632 پاتەر پايدالانۋعا بەرىلدى, بۇل جىلدىق جوسپاردىڭ 13 پايىزى. اكىمدىكتەردىڭ اقپاراتتارى بويىنشا تۇرعىن ۇيلەردى ىسكە قوسۋدىڭ نەگىزگى بولىگى 3-4 توقساندارعا بەلگىلەنىپ وتىر, دەدى س.نوكين.
جاس وتباسىلار ءۇشىن ارەندالىق تۇرعىن ۇيلەر سالۋعا 2013 جىلعا 10 ملرد. تەڭگە قاراستىرىلعان. 117 مىڭ شارشى مەتر تۇرعىن ءۇي سالۋ جوسپارلانعان, ال 6 ايدا كولەمى 19,3 مىڭ شارشى مەتردى قۇرايتىن 314 پاتەر سالىندى, بۇل جوسپارلانعان قۇرىلىستىڭ 17 پايىزى. تۇرعىن ۇيلەردى نەگىزگى ىسكە قوسۋ ۇستىمىزدەگى جىلدىڭ 3-4 توقساندارىنا جوسپارلانىپ وتىر.
تۇرعىن ءۇي قۇرىلىس جيناق سالىمدارى جەلىسى بويىنشا 2013 جىلى 451,5 مىڭ شارشى مەتر تۇرعىن ءۇي سالۋ جوسپارلانعان. ەسەپتى كەزەڭدە 80 مىڭ شارشى مەتر نەمەسە 1200 پاتەر سالىندى. وسى ماقساتتار ءۇشىن ۇستىمىزدەگى جىلعا 30,1 ملرد. تەڭگە قاراستىرىلعان.
باعدارلامادا 2013 جىلى 6,6 ملن. شارشى مەتر كولەمىندە تۇرعىن ءۇي سالۋ كوزدەلگەن. دەگەنمەن, ءبىز وتكەن جىلعىدان كەم ەمەس كولەمدى – 6,8 ملن. شارشى مەتر دەڭگەيىندەگى كولەمدى قامتاماسىز ەتۋگە مۇمكىندىك بار دەپ ەسەپتەيمىز, دەپ حابارلادى ۆيتسە-مينيستر.
سونداي-اق, وسى ءماسەلە بويىنشا «تۇرعىنۇيقۇرىلىسجيناقبانكى» اق-تىڭ باسقارما ءتورايىمى ن.ناۋرىزباەۆا, «قتقك» اق باسشىسى ق.ايتەكەنوۆ, «سامۇرىق-قازىنا» ۇاق» اق باسقارما توراعاسىنىڭ ورىنباسارى د.ەردەباي, سونداي-اق بىرقاتار وبلىستار اكىمدەرى ءسوز سويلەدى. قۇرىلىس يندۋسترياسىن دامىتۋ ماسەلەسى بويىنشا يندۋستريا جانە جاڭا تەحنولوگيالار ءبىرىنشى ۆيتسە-ءمينيسترى ا.راۋ باياندادى.
2013 جىلدىڭ جوسپارى 6,8 ملن. شارشى مەتر دەڭگەيىندە ورىندالۋى ءتيىس, دەپ اتاپ كورسەتتى س.احمەتوۆ.
وسى ورايدا ول وڭىرلىك دامۋ مينيسترلىگىنە باعدارلامانىڭ بارلىق باعىتتار بويىنشا ورىندالۋىنا تۇراقتى مونيتورينگ پەن قاتاڭ باقىلاۋدى قامتاماسىز ەتۋدى, وبلىستار, استانا جانە الماتى قالالارى اكىمدەرىنە وسى ايدىڭ سوڭىنا دەيىن بولىنگەن قارجىلاردىڭ يگەرىلۋى بويىنشا قاتاڭ شارالار قابىلداۋدى تاپسىردى.
ەكىنشى ماسەلە – وراق ناۋقانىن وتكىزۋ بارىسى تۋرالى اۋىل شارۋاشىلىعى ۆيتسە-ءمينيسترى م.ومىرياەۆ حابارلادى.
ونىڭ ايتۋىنشا, كوكتەمگى دالا جۇمىستارىنىڭ قورىتىندىلارى بويىنشا بارلىق اۋىلشارۋاشىلىق داقىلدارىنىڭ جالپى ەگىستىك الاڭى 21,4 ملن. گەكتاردى قۇراعان. ۇستىمىزدەگى جىلى 15,7 ملن. گەكتاردىڭ ءداندى داقىلدارى ورىلاتىن بولادى. 2 تامىزداعى جاعدايعا سايكەس 525 مىڭ گەكتار القاپتان 830 مىڭ توننا استىق جينالعان, ورتاشا ءتۇسىم گەكتارىنا 15,7 تسەنتنەردەن كەلىپ وتىر. بۇل وتكەن جىلدىڭ كورسەتكىشىنەن 5,8 تسەنتنەرگە جوعارى.
بۇگىنگى كۇنى بۇكىل ەگىستىكتىڭ 67 پايىزدان استامى جاقسى, ال 30 پايىزدان استامى قاناعاتتانارلىق جاعدايدا. سوعان بايلانىستى جالپى استىق جيناۋ بولجامى شامامەن 16,3 ملن. توننانى قۇراماق, دەدى م.ومىرياەۆ.
بيىل كوكتەمگى دالا جۇمىستارىن قارجىلاندىرۋعا «قازاگرو» جەلىسى بويىنشا 60 ملرد. تەڭگە ءبولىندى. ال ەگىن ورۋ جۇمىستارىنا 410 مىڭ توننا جەڭىلدىكتى ديزەل وتىنى ءبولىندى.
الدىن الا باعالاۋلار بويىنشا, ءتۇسىم جانە بۇتىندەي العاندا استىقتىڭ جالپى كولەمى 2012 جىلدىڭ دەڭگەيىنەن كوپ بولادى دەپ كۇتىلۋدە. ۇكىمەت وراق ناۋقانىن ۇيىمداسقان تۇردە وتكىزۋ ءۇشىن بارلىق قاجەتتى شارالاردى قابىلدادى. قازىرگى قارقىندى ساقتاۋ ءۇشىن اۋىل شارۋاشىلىعى مينيسترلىگى مەن وڭىرلەر اكىمدەرىنە ەگىن ورۋ جۇمىستارىنىڭ بارىسىن ۇنەمى باقىلاۋدا ۇستاۋ قاجەت, دەپ اتاپ كورسە ءتتى س.احمەتوۆ.
تالقىلاۋ قورىتىندىلارى بويىنشا ۇكىمەت باسشىسى وڭىرلەر اكىمدەرىنە اۋىلشارۋاشىلىق تەحنيكالارىن دايىنداۋ, جانار-جاعارمايمەن جانە باسقا دا رەسۋرستارمەن قامتاماسىز ەتۋ ماسەلەلەرىن شەشۋدە اگرارشىلارعا ىقپال جاساۋدى تاپسىردى.
كولىك جانە كوممۋنيكاتسيالار مينيسترلىگىنە «قازاقستان تەمىر جولىمەن» بىرلەسىپ استىق تاسىمالى ءۇشىن قاجەتتى ۆاگوندار سانىن قامتاماسىز ەتۋ جونىنەن شارالار قابىلداۋ, مۇناي جانە گاز مينيسترلىگىنە جانار-جاعارمايدى وبلىستارعا ۋاقىتىندا جەتكىزىپ بەرۋدى قامتاماسىز ەتۋ تاپسىرىلدى.
