شىلدەدە ونەركاسىپ ونىمدەرىن ءوندىرۋشى كاسىپورىندار باعاسى 1,8 پايىزعا جوعارىلادى. بۇل تۋرالى ستاتيستيكا اگەنتتىگىنىڭ ءباسپاسوز قىزمەتىنەن حابارلاندى. اگەنتتىك مالىمەتتەرىنە قاراعاندا, اعىمداعى جىلعى شىلدەدە ماۋسىممەن سالىستىرعاندا, باعا كەن ءوندىرۋ ونەركاسىبىندە 2,9 پايىزعا كوتەرىلسە, وڭدەۋ ونەركاسىبىندە 0,7 پايىزعا تومەندەگەن.
شىلدەدە ونەركاسىپ ونىمدەرىن ءوندىرۋشى كاسىپورىندار باعاسى 1,8 پايىزعا جوعارىلادى. بۇل تۋرالى ستاتيستيكا اگەنتتىگىنىڭ ءباسپاسوز قىزمەتىنەن حابارلاندى. اگەنتتىك مالىمەتتەرىنە قاراعاندا, اعىمداعى جىلعى شىلدەدە ماۋسىممەن سالىستىرعاندا, باعا كەن ءوندىرۋ ونەركاسىبىندە 2,9 پايىزعا كوتەرىلسە, وڭدەۋ ونەركاسىبىندە 0,7 پايىزعا تومەندەگەن.
بايقوڭىرداعى اپات ءۇشىن «روسكوسموس» باسشىسى سوگىس الدى. رەسەي پرەمەر-ءمينيسترى دميتري مەدۆەدەۆ «روسكوسموس» باسشىسى ۆلاديمير پوپوۆكينگە مىندەتىن لايىقتى دەڭگەيدە اتقارماعانى ءۇشىن سوگىس جاريالادى.
شىعىس قازاقستاندا 27 مىڭنان استام بالا مەملەكەتتەن جانە مەتسەناتتاردان كومەك الدى. وسىعان قاتىستى «مەكتەپكە جول» اكتسياسى اياسىنا تۇرمىسى تومەن وتباسىلاردان شىققان مەكتەپ وقۋشىلارى, اتا-اناسىنىڭ قاراۋىنسىز قالعان جانە مۇگەدەك بالالار قاتىستى.
وڭتۇستىك قازاقستان وبلىسىنىڭ ورداباسى اۋدانىندا جىل باسىنان بەرى 11 ملرد. 450 ملن. تەڭگەنىڭ ءونىمى ءوندىرىلدى. اۋداندا جۇمىس ساپارىمەن بولعان وبلىس اكىمى اسقار مىرزاحمەتوۆ ورتالىققا جاقىن تۇرعان اۋداننىڭ مۇمكىندىگى بۇدان زور ەكەنىن ەسكە سالدى. سونىڭ ايعاعىنداي, وڭىردە ءۇش باعىت بويىنشا ينۆەستيتسيانى يگەرۋ 3,8 ملرد. تەڭگەگە ورىندالعان.
اقتاۋدا حالىققا قىزمەت كورسەتۋ ورتالىعىن جاڭعىرتۋ ءجۇرىپ جاتىر. تاياۋ ارالىقتا مۇندا 35 ءتۇرلى جاڭا مەملەكەتتىك قۇجاتتاردى زاڭداستىرىپ بەرۋ جۇزەگە اسىرىلادى.
كەشە قوستانايدا 19 شەنەۋنىك «حالىققا ادال قىزمەت ەتۋگە» انت بەردى. راسىمگە جاقىندا تاعايىندالعان اۋداندار مەن قالالاردىڭ اكىمدەرى, سونداي-اق وبلىس اكىمى اپپاراتىنىڭ جەتەكشىسى ارمان ابەنوۆ قاتىستى.
قىزىلوردا وبلىسىندا «اق بۇلاق» باعدارلاماسى اياسىندا 7,5 ملرد. تەڭگەدەن استام قارجى يگەرىلەدى. بۇدان بولەك, رەسپۋبليكالىق بيۋدجەتتەن اۋىز سۋدىڭ قىزمەت قۇنىن سۋبسيديالاۋعا 880 ملن. 666 مىڭ تەڭگە قاراستىرىلاتىن بولادى.
«قازاقپارات», «قازاقستان جاڭالىقتارى», Bnews.kz,
TengriNews, EgemenNews حابارلارى بويىنشا دايىندالدى.
