بەيسەنبى كۇنى «نۇر وتان» حدپ ورتالىق اپپاراتىنىڭ قوعامدىق قابىلداۋ بولمەسىندە ەڭبەك جانە حالىقتى الەۋمەتتىك قورعاۋ ءمينيسترى تامارا دۇيسەنوۆا ازاماتتارعا قوعامدىق قابىلداۋ جۇرگىزدى, دەپ حابارلادى پارتيانىڭ ءباسپاسوز قىزمەتى.
بەيسەنبى كۇنى «نۇر وتان» حدپ ورتالىق اپپاراتىنىڭ قوعامدىق قابىلداۋ بولمەسىندە ەڭبەك جانە حالىقتى الەۋمەتتىك قورعاۋ ءمينيسترى تامارا دۇيسەنوۆا ازاماتتارعا قوعامدىق قابىلداۋ جۇرگىزدى, دەپ حابارلادى پارتيانىڭ ءباسپاسوز قىزمەتى.
ورتالىق اپپاراتتىڭ قوعامدىق قابىلداۋ بولمەسىنە ءارتۇرلى ماسەلەلەرمەن 71 ادام تىركەلگەن. ونىڭ بىرقاتارىن مينيسترلىكتىڭ جاۋاپتى ورگاندارى بۇعان دەيىن جان-جاقتى تالقىلاپ, ازاماتتارعا جەكەشە تۇسىندىرمەلەر بەرگەن بولاتىن. ال تامارا دۇيسەنوۆا قوعامدىق قابىلداۋ بولمەسىندە الەۋمەتتىك ماسەلە بويىنشا 13 ادامدى قابىلدادى. بارلىق وتىنىشتەردى ەڭبەك جانە حالىقتى الەۋمەتتىك قورعاۋ مينيسترلىگى قاراپ, ءتيىستى تۇسىندىرۋلەر مەن جاۋاپتار بەردى.
جەكەلەگەن ازاماتتاردىڭ سۇراقتارىنان كەيىن مينيستر بۇقارالىق اقپارات قۇرالدارى وكىلدەرىنىڭ سۇراقتارىنا جاۋاپ بەردى. «بۇگىنگى قوعامدىق قابىلداۋدا كوپتەگەن سۇراقتار قارالدى. ماسەلەنىڭ باسىم بولىگى ازاماتتاردى جۇمىسپەن قامتۋعا باعىتتالعان. ونىڭ ىشىندە جوعارى وقۋ ورىندارىن بىتىرگەن جاس ماماندار دا بار. ال كەلەسى ماسەلە – مۇمكىندىگى شەكتەۋلى ازاماتتارعا الەۋمەتتىك كومەك كورسەتۋ ماسەلەسى بولىپ وتىر. مۇگەدەك جانداردىڭ ىشىندە وزدەرىنە مەملەكەت تاراپىنان قانداي كومەك كورسەتىلەتىندىگىن بىلمەيتىن جاندار دا كەزدەستى. وسى رەتتە ايتا كەتۋ كەرەك, مۇنداي ازاماتتارعا مەملەكەت تاراپىنان الەۋمەتتىك جاردەماقىلار تاعايىندالادى. كومپەنساتورلىق قۇرىلعىلار, مۇگەدەكتەر ارباسى جانە گيگيەنالىق قۇرىلعىلار تەگىن بەرىلەدى», دەدى تامارا دۇيسەنوۆا.
ازاماتتاردىڭ ماسەلەلەرىن ءوز ۋاقىتىندا شەشۋ ماقساتىندا ەڭبەك جانە حالىقتى الەۋمەتتىك قورعاۋ مينيسترلىگى مەن ورتالىق اپپاراتتىڭ قوعامدىق قابىلداۋ بولمەسى جىل سايىن ءوزارا بىرىگىپ «جۇمىسپەن قامتۋ-2020» باعدارلاماسىن جۇزەگە اسىرۋ بويىنشا ازاماتتاردى «بىرىڭعاي قابىلداۋ كۇنى» رەسپۋبليكالىق اكتسيالارى مەن «ءۇزىلىسسىز بايلانىس» جوباسىن وتكىزىپ كەلەدى. قابىلداۋ بارىسىندا نەگىزىنەن جۇمىسقا ورنالاسۋ, ەڭبەكاقى تولەمەۋ, زەينەتاقىنى قايتا قاراۋ جانە مۇگەدەكتىك ساناتىن انىقتاۋ ماسەلەلەرى كوتەرىلدى. قابىلداۋ ناتيجەسى بويىنشا بىلىكتىلىكتەرىن ارتتىرۋ بويىنشا ءۇش ايلىق كۋرسقا جولداما بەرىلىپ, قالعاندارىنا ءتيىستى تۇسىنىكتەمەلەر بەرىلدى.
