1 تامىزدا قازاقستان رەسپۋبليكاسىنىڭ امەريكا قۇراما شتاتتارىنداعى ەلشىسى قايرات وماروۆ ۆاشينگتوندا امەريكا ازاماتىنا قازاقستانعا بارۋ ءۇشىن العاشقى بەسجىلدىق كوپ رەتتىك ۆيزانى رەسمي تۇردە تابىس ەتتى. بۇل قازاقستانعا تامىز ايىندا ساپار شەگۋدى جوسپارلاپ وتىرعان اقش كونگرەسىنىڭ مۇشەسى ەني فالەوماۆاەگا بولدى, دەپ حابارلادى ءسىم ءباسپاسوز قىزمەتى.
1 تامىزدا قازاقستان رەسپۋبليكاسىنىڭ امەريكا قۇراما شتاتتارىنداعى ەلشىسى قايرات وماروۆ ۆاشينگتوندا امەريكا ازاماتىنا قازاقستانعا بارۋ ءۇشىن العاشقى بەسجىلدىق كوپ رەتتىك ۆيزانى رەسمي تۇردە تابىس ەتتى. بۇل قازاقستانعا تامىز ايىندا ساپار شەگۋدى جوسپارلاپ وتىرعان اقش كونگرەسىنىڭ مۇشەسى ەني فالەوماۆاەگا بولدى, دەپ حابارلادى ءسىم ءباسپاسوز قىزمەتى.
ە.فالەوماۆاەگا وسى ءساتتىڭ نىشاندىلىعىن اتاي وتىرىپ, قازاقستاننىڭ ساياسي تۇراقتىلىعى, ەكونوميكالىق وركەندەۋى جانە پرەزيدەنت نۇرسۇلتان نازارباەۆتىڭ يادرولىق قارۋدان ازات الەم قۇرۋ جولىنداعى ۇستانىمى قازاقستاننىڭ اشىقتىعى مەن اقش-تىڭ ستراتەگيالىق ارىپتەسى رەتىندەگى سەنىمدىلىگىنە سەپتىگىن تيگىزەدى دەگەن پىكىر ءبىلدىردى.
ال بەسجىلدىق قازاقستاندىق ۆيزاسىن قازاقستان رەسپۋبليكاسىنىڭ نيۋ-يوركتەگى باس كونسۋلدىعىنان العاشقى بولىپ العان امەريكالىق ازامات ستيۆەن روسە بولدى. «مەن قازاقستانعا بەسجىلدىق ۆيزانى العان امەريكالىق ازاماتتار ىشىندە العاشقىلاردىڭ ءبىرى بولعانىما قۋانىشتىمىن. ماعان ءسىزدىڭ ەلدەرىڭىز قاتتى ۇنايدى, وندا مەنىڭ دوستارىم تۇرادى, ەندى مەن ولارعا ءجيى بارىپ تۇراتىن بولام», دەدى ول.
بەس جىلدىق ۆيزا ەكى ەل سىرتقى ساياسي ۆەدومستۆولارىنىڭ تابىستى جۇمىسىنىڭ, سونداي-اق, قر سىرتقى ىستەر ءمينيسترى ەرلان ىدىرىسوۆتىڭ اقش-قا جۋىرداعى ساپارىنىڭ ماڭىزدى ناتيجەلەرىنىڭ ءبىرى بولىپ تابىلادى.
قازاقستان تمد ەلدەرى ىشىندەگى اقش-پەن مۇنداي ۆيزالىق رەجىم جونىندە ۋاعدالاسقان ءبىرىنشى ەل.
